Duleep Trophy : దులీప్ ట్రోఫి రెండో రౌండ్ కు టీమ్స్ ఎంపిక
దులీప్ ట్రోఫీలో రెండో రౌండ్ మ్యాచ్‌లు రేపు ప్రారంభంకానున్నాయి. ఈ మ్యాచ్‌ల కోసం బీసీసీఐ మంగళవారం టీమ్స్ ను ప్రకటించింది. బంగ్లాదేశ్‌తో ఈ నెల 19న మొదలవనున్న తొలి టెస్టుకు ఎంపికైన ఇండియా ఎ కెప్టెన్ శుభ్‌మన్ గిల్, కేఎల్ రాహుల్, యశస్వి జైస్వాల్, ధ్రువ్‌ జురెల్, కుల్‌దీప్‌ యాదవ్, ఆకాశ్ దీప్ దులీప్ ట్రోఫీ తర్వాతి రౌండ్ మ్యాచ్‌కు అందుబాటులో ఉండరు. ఇండియా బికి ప్రాతినిధ్యం వహిస్తున్న సర్ఫరాజ్ ఖాన్ రెండో రౌండ్ మ్యాచ్‌ ఆడి అనంతరం టీమిండియాతో కలుస్తాడు. ఇండియా ‘ఎ’ కెప్టెన్‌గా గిల్ స్థానంలో మయాంక్ అగర్వాల్‌ను నియమించారు. ఇండియా ‘బి’ టీమ్ లోకి రింకు సింగ్, సుయాశ్‌ ప్రభ్‌దేశాయ్‌లను ఎంపిక చేశారు. ఇండియా ‘సి’లో ఎలాంటి మార్పులు లేవు. కుడి చేతి బొటనవేలు గాయం నుంచి కోలుకుంటున్న సూర్యకుమార్‌ రెండో రౌండ్ మ్యాచ్‌కూ అందుబాటులో ఉండట్లేదు.
టీమ్స్ ఇవే..
ఇండియా ఎ: మయాంక్ అగర్వాల్ (కెప్టెన్), రియాన్ పరాగ్, తిలక్ వర్మ, శివమ్ దూబె, తనుష్ కొటియన్, ప్రసిద్ధ్ కృష్ణ, ఖలీల్ అహ్మద్, అవేశ్‌ ఖాన్, కుమార్ కుశాగ్రా, శాశ్వత్ రావత్, ప్రథమ్ సింగ్, అక్షయ్ వాడ్కర్, ఎస్‌కె రషీద్, శామ్స్ ములానీ, ఆకిబ్ ఖాన్.
ఇండియా బి: అభిమన్యు ఈశ్వరన్ (కెప్టెన్), సర్ఫరాజ్ ఖాన్, ముషీర్ ఖాన్, నితీష్ కుమార్ రెడ్డి, వాషింగ్టన్ సుందర్, నవదీప్ సైనీ, ముకేశ్ కుమార్, రాహుల్ చాహర్, సాయి కిషోర్, మోహిత్ అవస్తీ, జగదీశ్‌ నారాయణ్‌ (వికెట్ కీపర్), సుయాశ్‌ ప్రభుదేశాయ్, రింకు సింగ్, హిమాన్షు మంత్రి (వికెట్ కీపర్).
ఇండియా సి: రుతురాజ్‌ గైక్వాడ్ (కెప్టెన్), సాయి సుదర్శన్‌, రజత్ పటీదార్‌, హిమాన్షు చౌహాన్‌, హృతిక్‌ షోకిన్‌, అభిషేక్ పొరెల్, బాబా ఇంద్రజిత్, ఆర్యన్ జుయల్, మానవ్ సుతార్, విజయ్‌కుమార్‌ వైశాఖ్‌, అన్షుల్ కాబోజ్‌, మయాంక్ మార్కండే, సందీప్ వారియర్, గౌరవ్ యాదవ్.
ఇండియా డి: శ్రేయస్ అయ్యర్‌ (కెప్టెన్), అథర్వ తైడే, యశ్‌ దూబె, దేవదత్ పడిక్కల్, రికీ భుయ్, శరాంశ్ జైన్, అర్ష్‌దీప్ సింగ్, ఆదిత్య ఠాక్రే, హర్షిత్ రాణా, ఆకాశ్ సేన్‌గుప్తా, కేఎస్ భరత్ (వికెట్ కీపర్), సౌరభ్‌ కుమార్, సంజు శాంసన్ (వికెట్ కీపర్), నిశాంత్ సంధు, విద్వత్ కావేరప్ప
