TG : టెన్త్ మార్కులపై సర్కారు యూటర్న్

తెలంగాణలోని పదో తరగతి విద్యార్థుల మార్కుల విషయంలో రేవంత్ రెడ్డి సర్కార్ మరో నిర్ణయం తీసుకుంది. పదోతరగతిలో ఇంటర్నల్‌ పరీక్షల రద్దు నిర్ణయాన్ని ప్రభుత్వం వాయిదా వేసింది. ఇంటర్నల్‌ మార్కులు రద్దు చేస్తూ తీసుకున్న నిర్ణయాన్ని 2024-25 విద్యా సంవత్సరానికి నిలిపివేస్తూ.. వచ్చే ఏడాది నుంచి అమలు చేయాలని రేవంత్ రెడ్డి ప్రభుత్వం నిర్ణయించింది. ఈ నెల అంటే నవంబర్ 28న తీసుకున్న నిర్ణయాన్ని 29న వెనక్కి తీసుకుంది. ఈ కొత్త విధానంపై పాఠశాల విద్యాశాఖ నుంచి ఆగస్టు 19వ తేదీన ప్రభుత్వానికి ప్రతిపాదనలు పంపగా.. ఏకంగా 3 నెలల 10 రోజులకు దీనిపై నిర్ణయం తీసుకుంది. ఇప్పటికే 80 మార్కులకు సమ్మెటివ్‌ అసెస్‌మెంట్‌- ఎస్‌ఏ-1 పరీక్షలు పూర్తికావటంతో.. ఇప్పుడు ఈ విధానాన్ని ప్రకటించటం ఎంత మాత్రం సరైన నిర్ణయం కాదని.. విద్యారంగ నిపుణులు అభిప్రాయపడ్డారు. వారి నుంచి వచ్చిన విజ్ఞప్తుల మేరకు రేవంత్ రెడ్డి ప్రభుత్వం వెనక్కి తగ్గింది