TG : రంగారెడ్డి జిల్లాలో భారీవర్షాలు.. జంట జలాశయాల నుంచి నీటి విడుదల

రంగా రెడ్డి జిల్లా పరీవాహక ప్రాంతాల్లో భారీగా వర్షాలు కురుస్తున్నాయి. దీంతో హైదరాబాద్‌ నగరానికి నీరందించే జంట జలాశయాలు నిండుకుండ లా మారాయి. ఈ క్రమంలోనే ఉస్మాన్ సాగర్ జలాశయానికి ప్రవాహం మరింత పెరిగింది. ఉస్మాన్ సాగర్ అంటే గండిపెట్ రిజర్వాయర్ పూర్తిస్థాయి నీటి మట్టం 1790 అడుగులు కాగా ప్రస్తుతం ఆ స్థాయికి చేరింది. దీంతో ఉదయం 6 గేట్లు , 2 అడుగుల మేర ఎత్తి నీటిని కిందకు విడుదల చేస్తున్నారు. దీంతో 1428 క్యూసెక్కు ఔట్ ఫ్లో ను మూసీ నదిలోకి వదులుతున్నారు. దీంతో దిగువ ప్రాంతాల వాసులను అధికారులు అప్రమత్తం చేశారు. పర్యటకులు ఎవరూ రాకుండా తగిన జాగ్రత్తలు చేపట్టారు.