CM Revanth Reddy : గాంధీ కుటుంబంతో నాకు మంచి అనుబంధం: రేవంత్ రెడ్డి

గాంధీ కుటుంబంతో తనకు మంచి అనుబంధం ఉందని మీడియాతో చిట్‌చాట్‌లో సీఎం రేవంత్ చెప్పారు. తాను వారితో ఫొటోలు దిగి చూపించాల్సిన అవసరం లేదన్నారు. తాను ఎవరో తెలియకుండానే పీసీసీ అధ్యక్షుడిగా, సీఎంగా ఎంపిక చేశారా? అని ప్రశ్నించారు. కేంద్ర మంత్రివర్గంలో ఉన్న నిర్మల గతంలో తమిళనాడుకు మెట్రో ప్రకటనలో కీలక పాత్ర పోషించారని, కేంద్రమంత్రిగా ఉన్న కిషన్ రెడ్డి మాత్రం తెలంగాణ అంశాలను పట్టించుకోవట్లేదని విమర్శించారు. రాష్ట్ర అభివృద్ధికి కేంద్ర ప్రభుత్వం సహకరించకుండా నిర్లక్ష్యంగా వ్యవహరిస్తోందని సీఎం రేవంత్ విమర్శించారు. తెలంగాణకు చెందిన కేంద్ర మంత్రి కిషన్ రెడ్డి రాష్ట్ర ప్రయోజనాలను పట్టించుకోవట్లేదని ఆరోపించారు. తమిళనాడులో మెట్రో ప్రకటన కోసం కేంద్ర మంత్రి నిర్మలా సీతారామన్ కీలక పాత్ర పోషించారని, అయితే తెలంగాణకు చెందిన కిషన్ రెడ్డి మాత్రం రాష్ట్ర అవసరాలను పట్టించుకోకుండా ఉన్నారని అన్నారు. కేంద్ర మంత్రులు రాష్ట్ర ప్రయోజనాలను దృష్టిలో ఉంచుకుని పని చేయాలని ఆయన సూచించారు.