Kaleshwaram : కాళేశ్వరంలో పెరుగుతున్న గోదావరి నీటిమట్టం

గత రెండు రోజుల నుంచి ఎడతెరిపి లేకుండా కురుస్తున్న భారీ వర్షాలకు తెలంగాణలోని గోదావరి నది మహారాష్ట్ర నుంచి ప్రవహిస్తున్న ప్రాణహిత నదులు ఉప్పొంగి పొంగడంతో కాళేశ్వరం వద్ద గోదావరి నీటిమట్టం క్రమక్రమంగా పెరుగుతుంది. త్రివేణి సంగమ గోదావరి నది 6 మీటర్ల ఎత్తు నుండి ప్రవహిస్తుంది. మేడిగడ్డ బ్యారేజీ 85 గేట్లను ఎత్తి 5 లక్షల క్యూసెక్కుల నీటిని దిగువకు వదులుతున్నారు.

ప్రాణహిత గోదావరి నదిలో నుండి 5 లక్షల క్యూసెక్కుల నీరువచ్చి మేడిగడ్డ బ్యారెజ్ లో చేరుతుంది. దీనితో పూర్తిస్థాయిలో ఇరిగేషన్ శాఖ ఇంజనీరింగ్ అధికారులు నీటిని దిగువకు వదులుతున్నారు. ఇలానే మరింత వర్షం కురిస్తే గోదావరి నది మరింత పెరిగే అవకాశం ఉంది.