IT Raids : దిల్ రాజు, సుకుమార్ ఇళ్లలో ఐటీ సోదాలు

రెండు రోజులుగా టాలీవుడ్ ప్రముఖులు, వాళ్ల బంధువుల ఇళ్లు,ఆఫీసులపై హైదరాబాద్ లో ఐటీ సోదాలు కొనసాగుతున్నాయి. నిన్నటి నుంచి దిల్ రాజు, మైత్రీ మూవీస్, మ్యాంగో మీడియా సంస్థల కార్యాలయాలపై ఐటీ సోదాలు చేస్తోంది. పుష్ప 2 డైరెక్టర్ సుకుమార్ నివాసంలో ఐటీ అధికారులు సోదాలు చేస్తున్నారు. ఎయిర్ పోర్టు నుంచి సుకుమార్ ను నేరుగా ఇంటికి తీసుకెళ్లారు ఐటీ అధికారులు. పుష్ఫ 2 సినిమాకు తీసుకున్న రెమ్యునరేషన్ ,ఆదాయ వివరాలను ఆరా తీశారు. వాటికి సంబంధించిన డాక్యుమెంట్లను పరిశీలించారు.

దిల్ రాజు ప్రొడ్యూస్ చేసిన సంక్రాంతికి వస్తున్నాం మూవీ హిట్ కొట్టింది. అలాగే మైత్రీ మూవీస్ నిర్మించిన పుష్ఫ2 దేశ వ్యాప్తంగా కలెక్షన్ల సునామీ సృష్టించింది. ఈ సినిమాకు సుకుమార్ దర్శకత్వం వహించారు. ఈ క్రమంలోనే సుకుమార్ ఇంట్లో ఐటీ సోదాలు కొనసాగుతున్నాయి. దిల్ రాజు, సుకుమార్ ఇళ్లలో సోదాలు ఇండస్ట్రీలో హాట్ టాపిక్ గా మారాయి.