Hyderabad : హైదరాబాద్ శివారు ఇక్రిశాట్ లో చిరుత కలకలం

హైదరాబాద్‌ శివారులో మరోసారి చిరుత పులి చిక్కింది. గత రెండు, మూడు రోజులుగా ప్రజలను భయపెట్టిన చిరుత మేకకు ఆశపడి బోనులో చిక్కింది. హైదరాబాద్‌ శివారులోని ఇక్రిశాట్​ లో రెండు మూడు రోజులుగా చిరుత సంచారం కలకలం రేపింది. దీంతో ఇక్రిశాట్​ సిబ్బంది ఫిర్యాదు మేరకు సీసీ కెమెరాలు, బోనును అటవీ అధికారులు ఏర్పాటు చేశారు. ఈ మేరకు అటవీశాఖ ఏర్పాటు చేసిన బోనులో ఎట్టకేలకు చిరుత చిక్కింది. దీంతో ఇక్రిశాట్​ శాస్త్రవేత్తలు, సిబ్బంది, కూలీలు ఊపిరి పీల్చుకున్నారు. బోనులో బంధించిన చిరుతను అధికారులు హైదరాబాద్​ జూపార్కుకు తరలించారు.