Rains : నేడు పలు జిల్లాల్లో మోస్తరు వర్షాలు

తెలంగాణలో పలు జిల్లాల్లో బుధవారం చిరు జల్లులు నుంచి మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. పలు జిల్లాల్లో తేలికపాటి నుంచి మోస్తరు వర్షాలు కురుస్తాయన్నారు. బలమైన ఉపరితల గాలులు గంటకు 30-40 కి.మీ వేగంతో వీస్తాయన్నారు. బంగాళాఖాతంలో తీవ్ర వాయుగుండం ఏర్పడిందని తెలిపారు. దీని ప్రభావం తెలుగు రాష్ట్రాలపై తక్కువగానే ఉన్నా పలు జిల్లాల్లో మాత్రం ఓ మోస్తరు వర్షాలు కురిసే అవకాశాలున్నట్లు వాతావరణ కేంద్రం తెలిపింది.

తెలుగు రాష్ట్రాల్లో 15 రోజుల క్రితం భారీ వర్షాలు కురిసిన సంగతి తెలిసిందే. బంగాళాఖాతంలో ఏర్పడిన అల్పపీడన ప్రభావంతో వర్షాలు విపరీతంగా పడ్డాయి. దీంతో వాగులు, వంకలు పొంగిపొర్లాయి. జలాశయాలు, ప్రాజెక్టులు నిండు కుండలా మారాయి. ఈ క్రమంలోనే వర్షాలు, వరదలకు తెలంగాణంలోని ఖమ్మం, మహబూబాబాద్ జిల్లాలు అతాలకుతలం అయ్యాయి. మొత్తం 33 మంది ప్రాణాలు కోల్పోయారు. 10 వేల కోట్లకు పైగా ఆస్తి నష్టం జరిగింది.