Norovirus : హైదరాబాద్ లో నోరో వైరస్ కలకలం.. లక్షణాలు ఇవే..
హైదరాబాద్ నగరంలో నోరో వైరస్ కలకలం సృష్టిస్తున్నది. వేగంగా వ్యాపించే ఈ వైరస్ పై గ్రేటర్ హైదరాబాద్ మున్సిపల్ కార్పొరేషన్ అధికారులు నగరవాసులను అప్రమత్తం చేశారు. ఈ మేరకు ఎక్స్ వేదికగా జీహెచ్ఎంసీ పలు సూచనలు జారీ చేసింది. ‘నోరో వైరస్ వ్యాధితో జాగ్రత్త!! కలుషిత నీరు, ఆహారం కారణంగా ఈ వ్యాధి వ్యాప్తి చెందుతుంది’ అని పేర్కొంది. చలిజ్వరం, వాంతులు, విరేచనాలు, నీరసం, కడుపు నొప్పి, డీహైడ్రేషన్ ఈ నోరో వైరస్ లక్షణాలు అని పేర్కొంది. ప్రస్తుతం నోరో వైరస్ కేసులు నగరంలోని యాకుత్‌పురా, మలక్ పేట, డబీర్‌పురా, పురానాహవేలీ, మొఘల్‌పురలతో పాటు పలు ప్రాంతాల్లో నమోదయ్యాయి. నోరో వైరస్ బారిన పడినవారు ఆసుపత్రుల్లో చికిత్స పొందుతున్నారు. ప్రతి ఒక్కరూ చేతులను సబ్బుతో శుభ్రంగా కడగాలి. కాచి చల్లార్చిన, వడపోసిన నీటిని తాగాలి. ఇంటిని, పరిసరాలను శుభ్రం చేసుకోవాలి. అవసరమైతే క్రిమిసంహారక మందులతో పిచికారి చేయాలి