Telangana Cabinet : ఈ నెల 29న తెలంగాణ కేబినెట్ భేటీ

తెలంగాణ ముఖ్యమంత్రి రేవంత్ రెడ్డి అధ్యక్షతన ఈ నెల 29న రాష్ట్ర కేబినెట్ భేటీ జరగనుంది. ఈ సమావేశంలో స్థానిక సంస్థల ఎన్నికలు, ఇతర కీలక అంశాలపై చర్చించే అవకాశం ఉంది. ఈ సమావేశంలో స్థానిక సంస్థల ఎన్నికలపై తుది నిర్ణయం తీసుకునే అవకాశం ఉంది. ఎన్నికల నిర్వహణకు సంబంధించిన నివేదికను మంత్రుల కమిటీ కేబినెట్‌కు సమర్పించనుంది. స్థానిక సంస్థల ఎన్నికల్లో బీసీలకు 42 శాతం రిజర్వేషన్లు కల్పించాలనే అంశంపై కాంగ్రెస్ పార్టీ సుముఖంగా ఉన్నట్లు తెలుస్తోంది. దీనిపై కూడా కేబినెట్ భేటీలో చర్చ జరిగే అవకాశం ఉంది. స్థానిక సంస్థల ఎన్నికలపై ప్రభుత్వం తీసుకునే నిర్ణయానికి సంబంధించిన నివేదికను ఆగస్టు 26లోగా మంత్రుల కమిటీ సమర్పించనుంది. ఈ నివేదిక ఆధారంగా కేబినెట్ భేటీలో చర్చ జరుగుతుంది. వాస్తవానికి ఈ కేబినెట్ భేటీ ఆగస్టు 25న జరగాల్సి ఉండగా, కొన్ని కారణాల వల్ల ఆగస్టు 29కి వాయిదా పడింది.