Black Magic : కోనసీమ జిల్లాలో క్షుద్ర పూజల కలకలం.. ఇంట్లో 30 అడుగుల గొయ్యి తవ్వి..

ఏపీలోని కోనసీమ జిల్లా కొత్త‌పేట మండ‌లంలో క్షుద్ర పూజలు కలకలం రేపాయి. వాన‌ప‌ల్లి గ్రామంలోని ఓ ఇంట్లో క్షుద్ర‌పూజ‌లు జరగడం షాక్‌కు గురిచేసింది. ఈ విష‌యం తెలియ‌డంతో గ్రామ‌స్థుల్లో భయాందోళన నెల‌కొంది. వాన‌ప‌ల్లి గ్రామంలోని గాంధీబొమ్మ సర్కిల్ స‌మీపంలోని ఓ ఇంట్లో 30 అడుగుల గొయ్యి త‌వ్వి అందులో గ‌త నాలుగు రోజులుగా క్షుద్ర‌పూజ‌లు చేస్తున్నారు.

ఈ విష‌యం తెలుసుకున్న గ్రామ‌స్థులు ఒక్క‌సారిగా ఇంటిని చుట్టుముట్టారు. ఆ స‌మ‌యంలో ఇంట్లో పూజ‌లు చేస్తున్న ఆరుగురిని పట్టుకుని నిలదీశారు. వారు పొంతనలేని సమాధానాలు చెప్పడంతో పోలీసుల‌కు అప్ప‌గించారు. ఆ ఆరుగురిపై పోలీసులు బైండోవ‌ర్ కేసు న‌మోదు చేశారు. ఈ క్షుద్ర‌పూజ‌ల వెను‌క ఉద్దేశం ఏమిటి? ఆ వ్య‌క్తులు ఎవ‌రు? ఎక్క‌డి నుంచి వ‌చ్చారు? అనే కోణంలో పోలీసులు ద‌ర్యాప్తు చేప‌ట్టారు.