Avneet Kaur : కోహ్లీ లైక్.. ఎట్టకేలకు స్పందించిన అవ్‌నీత్‌కౌర్‌
ఇటీవల విరాట్ కోహ్లీ ఇన్‌స్టాగ్రామ్‌లో యాక్ట్రెస్ అవ్‌నీత్ కౌర్ ఫోటోకు లైక్ చేయడంపై పెద్ద చర్చ జరిగింది. అయితే, కోహ్లీ ఆ లైక్‌ను వెంటనే తొలగించి, అది పొరపాటున జరిగిందని స్పష్టం చేశాడు. దీనిపై తాజాగా అవ్‌నీత్ కౌర్ స్పందించింది. ఏప్రిల్ 2025లో అవ్‌నీత్ కౌర్ ఇన్‌స్టాగ్రామ్‌లో పోస్ట్ చేసిన ఒక ఫోటోకు విరాట్ కోహ్లీ లైక్ చేశాడు. కొద్దిసేపటి తర్వాత ఆ లైక్ తొలగించబడింది. ఈ సంఘటన సోషల్ మీడియాలో వైరల్ కావడంతో, కోహ్లీ తన ఇన్‌స్టాగ్రామ్ స్టోరీలో ఒక ప్రకటన విడుదల చేశాడు. ఫీడ్‌ను క్లియర్ చేస్తున్నప్పుడు అల్గారిథమ్ లోపం వల్ల అనుకోకుండా ఆ లైక్ వచ్చిందని, దీనిపై అనవసర అంచనాలు పెట్టుకోవద్దని కోరాడు. తాజాగా తన కొత్త సినిమా 'లవ్ ఇన్ వియత్నాం' ట్రైలర్ లాంచ్‌లో ఈ విషయం గురించి అవ్‌నీత్‌ను అడిగారు. దీనికి ఆమె చిరునవ్వుతో స్పందిస్తూ, "ఈ ప్రేమ ఇలాగే లభిస్తూ ఉండాలని కోరుకుంటున్నాను, దీని గురించి ఇంకా ఏం చెప్పగలను?" అని అన్నారు. ఈ సంఘటన తరువాత అవ్‌నీత్ కౌర్‌కు ఫాలోవర్స్ సంఖ్య భారీగా పెరిగింది. ఈ ఒక్క లైక్ వల్ల ఆమెకు 1 మిలియన్ కంటే ఎక్కువ మంది ఫాలోవర్లు పెరిగినట్టుగా వార్తలు వచ్చాయి. అంతేకాకుండా, ఆమెకు 12 కొత్త బ్రాండ్ డీల్స్ కూడా లభించాయని, ఆమె బ్రాండ్ విలువ 30 శాతం పెరిగిందని నివేదికలు చెబుతున్నాయి.