హిజ్రాను పెళ్లి చేసుకున్న యువకుడు.. వీడియో వైరల్..

తమిళనాడులోని సేలం జిల్లా తారమంగళం సమీపంలోని ఓమలూరుకు చెందిన శరవణకుమార్ (32) అనే యువకుడు, తనతో పాటు పనిచేస్తున్న హిజ్రా సరోవను ప్రేమించి వివాహం చేసుకున్నాడు. ఈ వివాహం పెద్దల అంగీకారంతో ఈరోడ్ జిల్లా గోపిచెట్టిపాలెంలోని పెరియార్ కళ్యాణ మండపంలో జరిగింది. ఈ వివాహానికి ద్రావిడ కళగం జిల్లా అధ్యక్షుడు, న్యాయవాది మునియప్పన్ నేతృత్వం వహించారు. ప్రస్తుతం ఈ జంట పెళ్లి దృశ్యాలు సామాజిక మాధ్యమాలలో వైరల్ అవుతున్నాయి. పలువురు యువకుడి ధైర్యానికి, నిర్ణయానికి అభినందనలు తెలియజేస్తున్నారు. ఈ వివాహం సమాజంలో మార్పుకు ఒక ఉదాహరణగా నిలిచిందని పలువురు ప్రశంసిస్తున్నారు.