Covid-19 in China: చైనాలో మళ్లీ నమోదవుతున్న కొత్త కరోనా కేసులు..

Covid-19 in China: చైనాలోని కొన్ని నగరాల్లో నాలుగవ రోజు కొత్త కోవిడ్ -19 కేసులు నమోదయ్యాయి. జాతీయ ఆరోగ్య కమిషన్ ( NHC ) డేటా ప్రకారం కొత్త కేసులు ఎనిమిది నగరాల్లో నివేదించబడ్డాయి. వీటిలో ఎక్కువ భాగం ఉత్తర వాయువ్య చైనాలో ఉన్నాయి. దక్షిణ చైనా, నైరుతిలో ఇటీవల రోజుల్లో మూడు వేర్వేరు కేసులు కూడా నమోదయ్యాయి.

రాజధాని బీజింగ్‌లో ఒకటి. కాగా, ఫిబ్రవరి 2022 శీతాకాల క్రీడలను నిర్వహించడానికి బీజింగ్ బిజీగా ఉంది. ఇక్కడ అధికారులు వైరస్‌ వ్యాప్తికి వ్యతిరేకంగా కట్టుదిట్టమైన చర్యలు తీసుకుంటామని వివరిస్తున్నారు.

కొత్తగా కనుగొనబడిన 26 స్థానిక కేసులలో దాదాపు సగం మంది ఇటీవల నగరాన్ని సందర్శించారు. అయితే వారికి వైరస్ ఎలా సంక్రమించిందో అధికారులు వెల్లడించలేదు. కానీ చైనా అంతటా వైరస్ మూలాలు ఉండవచ్చని తాత్కాలిక సంకేతాలు సూచిస్తున్నాయి. ఇది జీరో ఇన్‌ఫెక్షన్లను కోరుకునే చైనా ప్రయత్నాలను వమ్ము చేస్తోంది.