Trump : 41 దేశాలపై ట్రావెల్ బ్యాన్.. ట్రంప్ మరో కీలక నిర్ణయం

సుంకాలపై ట్రేడ్ వార్ తర్వాత మరో కీలక నిర్ణయం తీసుకునేం దుకు అమెరికా అధ్యక్షుడు ట్రంప్ సిద్ధమవు తున్నారని తెలుస్తోంది. ఈ క్రమంలో 41 దేశాలపై ట్రావెల్ బ్యాన్ విధించడానికి ఏర్పాట్లు చేస్తున్నట్టు ప్రముఖ వార్తా సంస్థ రాయిటర్ పేర్కొంది. ఈ మేరకు ఓ కథనాన్ని ప్రచురించిం ది. ట్రావెల్ బ్యాన్ విధించనున్న దేశాల పేర్లతో మూడు జాబితాలను సిద్ధం చేసినట్టు తెలుస్తోంది. ఈ జాబితాలో పాకిస్తాన్, ఆఫ్ఘనిస్తాన్, ఇరాన్, సిరియా తదితర దేశాలు ఉన్నాయి. మొదటి జాబితాలో 10 దేశాలున్నాయని ఇందులో ఆఫ్ఘని స్తాన్, సిరియా, ఇరాన్, క్యూబా, ఉత్తర కొరియా వంటి దేశాలు ఉన్నా యనిరాయిటర్స్ పేర్కొంది. ఈ దేశాల పౌరులు అమెరికాకు వెళ్లలేరు. వీటన్నింటిపై పూర్తి నిషేధం ఉంటుంది. రెండో గ్రూపులో తూర్పు ఆఫ్రికా దేశాలైన ఎరిట్రియా, హైతీ, లావోస్, మయన్మార్, దక్షిణ సూడాన్ ఉన్నాయి. ఈ దేశాల పౌరులకు పాక్షిక సస్పెన్షన్ వర్తిస్తుంది. ఇది పర్యా టక, స్టూడెంట్ వీసాలతో పాటు కొన్ని మినహాయింపులతో ఇతర వలస వీసాలను కూడా ప్రభావితం చేస్తుంది. అమెరికా 26 దేశాలను మూడవ గ్రూపులో చేర్చింది. జాబితాలోని అన్ని పేర్లను వెల్లడించకపోయినా.. అందులో పాకిస్తాన్, భూటాన్, మయన్మార్ వంటి దేశాలు ఉన్నాయి. ట్రావెల్ బ్యాన్ ఉన్న ప్రభుత్వాలు 60 రోజుల్లోపు లోపాలను సరిచేసే ప్రయత్నాలు చేయకపోతే యూఎస్ వీసాలు జారీ చేయడంపై పాక్షిక నిషేధాన్ని విధించే అంశాన్ని పరిశీలిస్తున్నట్టు తెలుస్తోంది.