Sergey Lavrov : భారత్-చైనాని ట్రంప్ భయపెట్టలేరు: రష్యా మంత్రి

అమెరికా అధ్యక్షుడు ట్రంప్ సుంకాల బెదిరింపులు భారత్-చైనాలను భయపెట్టలేకపోయాయని రష్యా విదేశాంగ మంత్రి సెర్గెయ్ లావ్రోవ్ వ్యాఖ్యానించారు. ‘నాకు నచ్చనిది చేయకండి టారిఫ్స్ విధిస్తాను అన్న ధోరణి ప్రాచీన నాగరికత కలిగిన భారత్, చైనా విషయంలో పనిచేయదు. అమెరికాకు అది అర్థమవుతోంది. సుంకాలు వేస్తే ఆ దేశాలను ఇంధనం, మార్కెట్ వంటి రంగాల్లో ఆల్టర్నేటివ్స్ వైపు మళ్లిస్తాయి’ అని తెలిపారు. ఆర్థిక ఒత్తిడితో భారత్-, చైనా నాయకత్వాన్ని బలహీనపరచాలని ట్రంప్ ప్రభుత్వం ప్రయత్నిస్తోందని ఆయన ఆరోపించారు. అయితే, ఇది ఈ దేశాలను ఇతర మార్కెట్లు, ఇంధన వనరుల కోసం వెతకడానికి మాత్రమే దారితీస్తుందని లావ్‌రోవ్ అన్నారు. వలసవాద యుగం ముగిసిందని, ఈ పెద్ద దేశాలతో సంప్రదింపుల ద్వారానే వ్యవహరించాలని అమెరికా గ్రహించాలని ఆయన అన్నారు. ఇటీవల, ట్రంప్ భారతదేశం, రష్యా, చైనాలతో కలిసి ఉండటంపై వ్యాఖ్యానించారు. భారత ప్రధాని మోదీతో ఉన్న మంచి సంబంధాలను ప్రస్తావిస్తూనే, రష్యా నుంచి చమురు దిగుమతి చేసుకుంటున్నందుకు భారతదేశంపై సుంకాలు విధించినట్లు అంగీకరించారు. ఇది భారతదేశంతో సంబంధాలలో "చిన్న చీలికను" సృష్టించిందని కూడా ఆయన పేర్కొన్నారు.రష్యా మంత్రి వ్యాఖ్యలు ఈ నేపథ్యంలోనే వచ్చాయి. లావ్‌రోవ్, భారతదేశం మరియు చైనాలు తమ జాతీయ ప్రయోజనాలను కాపాడుకోవడంలో దృఢంగా ఉన్నాయని, అమెరికా బెదిరింపులకు లొంగేది లేదని సూచించారు.