Donald Trump : సరైన పత్రాలు లేని భారతీయులకు ట్రంప్ షాక్!

అమెరికా అధ్యక్షుడిగా ఎన్నికై ప్రమాణ స్వీకారానికి సిద్ధంగా ఉన్న డొనాల్డ్ ట్రంప్ 18వేల మంది భారతీయులకు షాక్ ఇవ్వనున్నట్లు తెలుస్తోంది. సరైన పత్రాలు లేని కారణంగా వారందరిని భారత్ కు తిప్పి పంపాలని అమెరికా భావిస్తోంది. ఎన్నికల హామీలో భాగంగా ఆ దేశ చరిత్రలో తొలిసారి అతి పెద్ద డిపోర్టేషన్(బహిష్కరణ)కు రంగం సిద్ధమవుతోంది. వచ్చే ఏడాది జనవరి 20న ట్రంప్ ప్రమాణ స్వీకారం చేసిన వెంటనే ఈ డిపోర్టేషన్ అమలు కానుంది. ఇప్పటికే యూఎస్ ఇమిగ్రేషన్, కస్టమ్స్ ఎన్ ఫోర్స్ మెంట్ దేశంలో అక్రమంగా ఉంటున్న 15 లక్షల మంది బహిష్కరణకు సంబంధించి జాబితాను సిద్ధం చేసినట్లు తెలుస్తోంది. తాజాగా యూఎస్ అధికారులు సిద్ధం చేసిన డిపోర్టేషన్ జాబితాలో 17,940 మంది భారతీయులను చేర్చారు. యూఎస్ లో 7లక్షల 25 వేల మంది భారతీయులు అక్రమ ఇమిగ్రేషన్ కలిగి ఉన్నట్లు ప్యూ రీసెర్చ్ సెంటర్ డేటా తెలిపింది.