Zomato విమెన్ డెలివరీ పార్ట్ నర్స్ కు కుర్తా యూనిఫాం

Zomato : జొమాటో తన మహిళా డెలివరీ పార్ట్ నర్స్ ఇప్పుడు వారి యూనిఫామ్‌లో భాగంగా ప్రామాణిక జొమాటో టీ-షర్టులకు బదులుగా కుర్తాలను ధరించే అవకాశం ఉందని ప్రకటించింది. వెస్ట్రన్-స్టైల్ జొమాటో టీ-షర్టులతో అసౌకర్యాన్ని వ్యక్తం చేసిన అనేక మంది మహిళా ఉద్యోగుల నుండి వచ్చిన ఫీడ్‌బ్యాక్‌కు ప్రతిస్పందనగా ఈ నిర్ణయం తీసుకున్నారు. లింక్డ్‌ఇన్‌లోని ఒక పోస్ట్‌లో, Zomato ఒక వీడియోను షేర్ చేసింది. "ఈ రోజు నుండి, Zomato మహిళా డెలివరీ పార్ట్ నర్స్ కుర్తా ధరించడాన్ని ఎంచుకోవచ్చు" అని రాశారు.

ఈ వీడియోలో అనేక మంది జొమాటో డెలివరీ మహిళలు కంపెనీ అందించే కొత్త కుర్తాలను ట్రై చేయడం, ఈ వేడుక ఫోటోషూట్‌లో పాల్గొనడం జరిగింది. కంపెనీ ఆలోచనాత్మకమైన నిర్ణయానికి వారి కృతజ్ఞత, ఆమోదం వ్యక్తీకరణలను వీడియో క్యాప్చర్ చేసింది. "చాలా మంది మహిళా డెలివరీ భాగస్వాములు పాశ్చాత్య-శైలి జొమాటో టీ-షర్టులతో అసౌకర్యాన్ని వ్యక్తం చేశారు. కాబట్టి, మేము వారికి ఈ ఆప్షన్ ఇచ్చాము" అని Zomato పేర్కొంది.

కుర్తా ధరించిన తర్వాత, 'సంతోషంగా' ఉన్న మహిళల్లో ఒకరు, "P ocket bhi hain (దీనికి పాకెట్స్ కూడా ఉన్నాయి)" అని చెప్పారు. ఈ వీడియోకు సోషల్ మీడియా యూజర్స్ నుండి కూడా వేల సంఖ్యలో లైక్‌లు, సానుకూల స్పందనలు వచ్చాయి. సంస్థ "ఆలోచనాపూర్వక" నిర్ణయానికి పలువురు తమ ప్రశంసలను వ్యక్తం చేశారు.