Rakul Preet's Marriage : రకుల్ పెళ్ళిలో అక్షయ్, టైగర్ డ్యాన్స్
'బడే మియాన్ చోటే మియాన్' స్టార్స్ అక్షయ్ కుమార్, టైగర్ ష్రాఫ్ ఇటీవల గోవాలో జరిగిన స్టార్-స్టడెడ్ రకుల్ ప్రీత్ సింగ్, జాకీ భగ్నాని వివాహ వేడుకలకు హాజరయ్యారు. ఈ వేడుకల్లో ధోల్ బీట్‌లకు అక్షయ్, టైగర్ డ్యాన్స్ చేస్తూ వరుడిని కౌగిలించుకున్న వీడియో ఇంటర్నెట్‌లో హల్ చల్ చేస్తోంది. ఈ వైరల్ వీడియోలో, అక్షయ్, టైగర్ ఇద్దరూ పూర్తిగా నలుపు రంగు దుస్తులను ధరించి ఉండడం చూడవచ్చు.
ఫిబ్రవరి 21న గోవాలో జరిగిన ఈ వేడుకలో రకుల్ ప్రీత్, జాకీ భగ్నాని పెళ్లి చేసుకున్నారు. ఈ జంట తమ ప్రత్యేక రోజు నుండి కొన్ని అందమైన చిత్రాలను వారి సంబంధిత సోషల్ మీడియా హ్యాండిల్స్‌లో పంచుకున్నారు. ఇక గోవాలో జరిగిన వీరి వివాహానికి ఇరువురి కుటుంబ సభ్యులు, సన్నిహితులు హాజరయ్యారు. ఈ వివాహ వేడుకకు అక్షయ్ కుమార్, టైగర్ ష్రాఫ్‌లతో పాటు, నటీనటులు శిల్పాశెట్టి నుండి అర్జున్ కపూర్, వరుణ్ ధావన్, ఈషా డియోల్ వరకు, బాలీవుడ్‌కు చెందిన వారు ఈ జంటను ఆశీర్వదించడానికి వేడుకలో భాగమయ్యారు.
అక్షయ్ కుమార్, టైగర్ ష్రాఫ్ నటించిన యాక్షన్ థ్రిల్లర్ చిత్రం 'బడే మియాన్ చోటే మియాన్' విడుదలైన తర్వాత ఈ జంట తమ హనీమూన్ కోసం బయలుదేరనున్నట్లు సమాచారం. 'బడే మియాన్ చోటే మియాన్ ఈద్ 2024 నాడు థియేటర్లలోకి రావడానికి సిద్ధంగా ఉంది. ఇది అజయ్ దేవగన్ నటించిన 'మైదాన్‌'తో పోటీ పడనుంది.
