Devara : ‘దేవర’లో ఎన్టీఆర్ భార్య ఈమెనే
దేవర (Devara) సినిమాలో తాను నటిస్తున్నట్లు మరాఠీ బ్యూటీ శ్రుతి మరాఠే స్వయంగా ప్రకటించారు. ‘దేవర సినిమా అక్టోబర్ 10న విడుదల కాబోతోంది. ఈ చిత్రంలో నేను దేవరకు భార్యగా కనిపిస్తాను. ఈ మూవీ కోసం ఆసక్తిగా ఎదురుచూస్తున్నా’ అని ఓ ఇంటర్వ్యూలో చెప్పారు శ్రుతి. ఇప్పటికే ఈ మూవీలో జాన్వీ కపూర్ ‘తంగం’ అనే పాత్రలో కనిపించనుండగా, శ్రుతి రెండో హీరోయిన్. ఎన్టీఆర్ కూడా డ్యూయల్ రోల్ చేస్తారని టాక్.
కొరటాల శివ దర్శకత్వంలో రెండు భాగాలుగా రూపొందుతున్న ఈ సినిమాకి అనిరుధ్ సంగీతం అందిస్తున్నారు. సైఫ్ అలీఖాన్ విలన్ గా కనిపించబోతున్నారు. ఇక శ్రీకాంత్, ప్రకాష్ రాజ్, షైన్ టామ్ చాకో, మురళీ శర్మ వంటి స్టార్ కాస్ట్ ముఖ్యపాత్రలు పోషిస్తున్నారు. ఈ మూవీని ఈ ఏడాది అక్టోబర్ 10న రిలీజ్ చేయనున్నట్లు మేకర్స్ ఇదివరకే ప్రకటించారు. ప్రస్తుతం ఈ మూవీ షూటింగ్ గోవాలో జరుగుతుంది. అక్కడ ఎన్టీఆర్ పై ఓ సాంగ్ ని రూపొందిస్తున్నారు.
గుజరాత్‌కు చెందిన శ్రుతి మరాఠే గతేడాదిలో పూణేలో జరిగిన గణపతి నిమజ్జనం సమయంలో కొన్ని గంటల పాటు ఆమె డోలు వాయించింది. అప్పట్లో ఆమె వీడియోలు ఇన్‌స్టాగ్రామ్‌లో విపరీతంగా వైరల్‌ అయ్యాయి
