Pakistan : కరాచీ వీధుల్లో హోలీ జరుపుకున్న పాకిస్థానీ హిందువులు
Pakistan : పాకిస్థాన్‌లోని కరాచీ (Karachi) నగరంలో హిందూ కమ్యూనిటీ హిందువుల రంగుల పండుగ హోలీని చాలా కోలాహలంగా, ఉత్సాహంగా జరుపుకుంది. ఈ పండుగ హిందూ దేవుడు కృష్ణుడు తన భార్య రాధ, ఆమె స్నేహితులను ఎరుపు, పసుపు, ఆకుపచ్చ, కుంకుమ రంగులతో చల్లడం అనే పురాణం చుట్టూ తిరుగుతుంది.
రంగుల పౌడర్‌ పూసుకున్న భక్తులు ఒకరిపై ఒకరు రంగులు చల్లుకుంటూ పాటలకు నృత్యాలు చేశారు. వేడుకల్లో భాగంగా వారు స్వీట్లు కూడా పంచుకున్నారు. “హోలీ నాకు అత్యంత ఇష్టమైన పండుగ. నేను హోలీ వేడుకలకు చాలా ముందుగానే సిద్ధమవుతాను. నేను నిన్న నా కుటుంబంతో జరుపుకున్నాను. ఈ రోజు కూడా నేను నా కుటుంబం, స్నేహితులతో జరుపుకోవడానికి ఇక్కడికి వచ్చాను" అని కరాచీ నివాసి రితికా చెప్పారు.
“హోలీ అనేది రంగుల పండుగ. హిందువులే కాకుండా పాకిస్థానీలందరి జీవితాల్లో ఆనందం, అందం, శాంతి రంగులతో జీవితాన్ని నింపాలని దేవున్ని మేము ప్రార్థిస్తున్నాము" అని కరాచీ నివాసి సీమా మహేశ్వరి అన్నారు.
