ఇదో విచిత్రమైన కేసు.. భర్తపై భార్య ఎఫ్ఐఆర్.. ఎందుకంటే..

బీహార్‌లోని (Bihar) ముజఫర్‌పూర్‌లో (Muzaffarpur) ఓ విచిత్రమైన కేసు నమోదైంది, శారీరక సంబంధానికి సుముఖత చూపలేదని భర్తపై ఓ మహిళ ఎఫ్‌ఐఆర్ నమోదు చేసింది. భర్త సహా ఆరుగురి పేర్లను కూడా అందులో చేర్చుంది. బాధితురాలు వైశాలి జిల్లాలోని లాల్‌గంజ్ పోలీస్ స్టేషన్ (Lalganj Police Station) పరిధిలోని ఒక గ్రామానికి చెందినది. పోలీస్ స్టేషన్‌లో నమోదు చేసిన ఎఫ్‌ఐఆర్‌లో, "నాకు 2021 మే 31న వివాహం జరిగింది" అని బాధితురాలు పేర్కొంది. "పెళ్లయ్యాక అత్తమామల ఇంటికి వెళ్లాను. పెళ్లయిన రెండేళ్ల వరకు నా భర్తకు నాతో శారీరక సంబంధాలు లేవు. అప్పుడు నేను మా అత్తమామలకు చెప్పాను. కానీ వారి నుంచి నాకు ఎలాంటి సహాయం అందలేదు. నేను నా భర్తను నిలదీస్తే.. వారు నన్నే దుర్భాషలాడారు, నాపై దాడి చేశారు. ఇక నేను నా తల్లిదండ్రుల ఇంటికి తిరిగి వెళ్లాలని నిర్ణయించుకున్నప్పుడు, వారు నన్ను చంపుతామని బెదిరించారు" అని తెలిపింది.

పోలీసుల దర్యాప్తు

కౌన్సెలింగ్ ఇచ్చినప్పటికీ పరిస్థితి అలాగే ఉందని, అందుకే ఇప్పుడు కేసు నమోదు చేసినట్లు పోలీసులు తెలిపారు. అన్ని వెర్షన్లు, క్లెయిమ్‌లను ధృవీకరించి దర్యాప్తు చేస్తున్నామని పోలీసులు తెలిపారు. పోలీసులు భారతీయ శిక్షాస్మృతిలోని 341, 323, 498A, 379, 504, 506, 34 సెక్షన్ల కింద ఎఫ్ఐఆర్ నమోదు చేశారు.

వివాహ బంధాన్ని ముగించుకుని వైశాలి జిల్లాలోని తన తల్లిదండ్రుల ఇంటికి తిరిగి వెళ్లేందుకు బాధితురాలు సహాయం కోరింది. అయితే తన భర్త ఇంటి నుంచి తప్పించుకోవడానికి ప్రయత్నిస్తే తీవ్ర పరిణామాలు ఎదుర్కోవాల్సి వస్తుందని ఆమె ఆరోపించింది. సమస్యను శాంతియుతంగా పరిష్కరించగల పరిష్కారాన్ని కనుగొనే ప్రయత్నంలో తాను ఎటువంటి అవకాశాన్నీ వదిలిపెట్టలేదని, అయినప్పటికీ తాను ఏమీ చేయలేకపోక వారి నుంచి దాడిని ఎదుర్కొంటున్నట్లు బాధితురాలు పేర్కొంది. చివరకు బాధితురాలు 2021లో పెళ్లయినప్పటి నుంచి ఇరుక్కుపోయిందని చెప్పుకునే బాధాకరమైన పరిస్థితి నుంచి బయటపడేందుకు పోలీసుల సహాయం కోరాలని నిర్ణయించుకుంది.