Dasara Navaratri 2021 Day 2: నవరాత్రి రెండో రోజు విశిష్టత.. బ్రహ్మచారిణి రూపంలో అమ్మవారు.. మహిమాన్విత మంత్రం..

Dasara Navaratri 2021 Day 2: దసరా అంటే ఓ సరదా పండుగ. పిల్లలు, పెద్దలు అందరూ తొమ్మిది రోజులు ఉత్సాహంగా చేసుకునే పండుగ. పెద్ద పండుగకు తొమ్మిది రోజులు ముందు నుంచే బతుకమ్మ కోలాహలం ప్రారంభమవుతుంది. అక్టోబర్ 7 నుంచి ప్రారంభమైన నవరాత్రి ఉత్సవాలను మహిళలు భక్తితో బతుకమ్మలు తయారు చేసి ఆడి పాడుతుంటారు. ప్రతి రోజు ఒక్కో ప్రాముఖ్యతను కలిగి ఉండే అమ్మవారు 9 రోజులు వివిధ రూపాల్లో దర్శనమిస్తుంటారు.

మొదటి రోజు పర్వత రాజు కుమార్తె అయిన శైలపుత్రిగా అవతరిస్తారు అమ్మవారు. రెండవ రోజు బ్రహ్మచారిణి రూపంలో భక్తులను కరుణిస్తారు. హిందూ పురాణాల ప్రకారం, బ్రహ్మచారిణి దేవత పార్వతీదేవి యొక్క అవివాహిత అవతారం. బ్రహ్మచారిణి అనే పదం రెండు పదాల కలయిక- బ్రహ్మ అంటే తపస్సు మరియు చార్ని అంటే ప్రవర్తన.

బ్రహ్మచారిణి దేవత తెల్లని వస్త్రాలు ధరించి, పాదాలు లేకుండా నడుస్తూ, ఎడమ చేతిలో కమండలాన్ని కుడి చేతిలో జప మాలను పట్టుకుని ఉంటుంది. ఈ రూపంలో ఉన్న అమ్మవారు ప్రేమ, విధేయత, జ్ఞానం మరియు జ్ఞానాన్ని సూచిస్తుంది.

నవరాత్రి రోజు 2 పూజా విధానం..

అమ్మవారి విగ్రహాన్ని 5 పదార్థాలతో తయారు చేసిన పంచామృతంతో శుభ్రం చేస్తారు. (తేనె, చక్కెర, పాలు, పెరుగు, నెయ్యి). తరువాత విగ్రహానికి పూలు, అక్షతలు, గంధం సమర్పించి భక్తితో ప్రార్ధించాలి. ప్రభావంతమైన ఈ మంత్రాన్ని తప్పుల్లేకుండా శ్రద్ధగా చదవడం ద్వారా అమ్మవారి కృపకు పాత్రులవుతారు.

మంత్రం : యా దేవీ సర్వభూతేయు మా బ్రహ్మచారి రూపియా సంస్థిత |

నమస్తస్యై నమస్తస్యై నమస్తస్యై నమో నమ: ||

దధాన కర పద్మభ్యామ అకమల కమాలు |

దేవీ ప్రసీదతు మా బ్రహ్మచర్యనుత్తమ ||

నవరాత్రి సమయాల్లో భక్తులు ఉపవాసం ఉంటారు. ఆరోగ్య సమస్యలు లేనట్లైతే ఓ పూట ఉపవాసం ఉండొచ్చు. అయితే ఆ సమయంలో పండ్లు తీసుకోవడం వలన శరీరం మరీ నీరసించి పోకుండా ఉంటుంది. నిజానికి ఉపవాసం అంటే ఆహారం తీసుకోకుండా ఉండడం కాదు.. భగవంతునికి దగ్గరగా ఉండడం అని అర్ధం చెబుతారు పండితులు.