Delhi Chalo : 'ఢిల్లీ చలో' మార్చ్ రెండు రోజుల పాటు వాయిదా
రైతులు 'ఢిల్లీ చలో' మార్చ్‌ను వచ్చే రెండు రోజుల పాటు నిలిపివేశారు. ఫిబ్రవరి 23 (శుక్రవారం) సాయంత్రం తదుపరి కార్యాచరణకు పిలుపునిస్తామని పంజాబ్ కిసాన్ మజ్దూర్ సంఘర్ష్ కమిటీ హెడ్ సర్వన్ సింగ్ పందేర్ తెలిపారు.
నిరసన వ్యక్తం చేస్తున్న రైతులకు మరియు హర్యానా పోలీసులకు మధ్య జరిగిన గొడవపై విలేకరుల సమావేశంలో పంధేర్ మాట్లాడుతూ, "ఖనౌరీ, శంభు సరిహద్దుల్లో నిరసన తెలుపుతున్న రైతులపై హర్యానా పోలీసులు జరిపిన దౌర్జన్యాలను మేము ఖండిస్తున్నాము. మా రైతులు చాలా మంది గాయపడ్డారు, అనేక మంది తప్పిపోయారు. దీన్ని దృష్టిలో ఉంచుకుని, రాబోయే రెండు రోజుల పాటు మా 'ఢిల్లీ చలో' మార్చ్‌ను నిలిపివేయాలని మేము నిర్ణయించుకున్నాము. ఈ రెండు రోజుల్లో, మేము గాయపడిన, తప్పిపోయిన రైతుల కుటుంబాలను కలుసుకుంటాము, మా భవిష్యత్ కార్యాచరణపై నిర్ణయం తీసుకుంటాము.
"మేము దీన్ని (ఢిల్లీ చలో మార్చ్) రెండు రోజుల పాటు నిలిపివేస్తున్నాము. ఖానౌరీ పరిస్థితిని సమీక్షించిన తర్వాత, మేము తదుపరి నిర్ణయాలు తీసుకుంటాము" అని పంధేర్ చెప్పారు.
