TS : తెలంగాణలో బీర్లు తాగుడే తాగుడు..

తెలంగాణ రాష్ట్రంలో దంచుతున్న ఎండలకు బీరు సీసాలు ఖాళీ అవుతున్నాయి. ఎండలు ఏ రేంజ్ లో దంచి కొడుతున్నాయో ప్రత్యేకంగా చెప్పాల్సింది ఏమీలేదు. ఉదయం 9 దాటితే నిప్పుల కొలిమిలా మారుతుంది. ఇంట్లో నుండి అడుగు భయటపెట్టాలనే ప్రజలు వణికిపోతున్నారు. సాయంత్రం 7 వరకు కూడా వేడి ఏమాత్రం తగ్గడం లేదు. దీంతో.. మద్యం ప్రియులు బీర్లను ఆశ్రయిస్తున్నారు.

తాజాగా ఎక్సెజ్ అధికారులు తెలిపిన లెక్కల ప్రకారం.. ఏప్రిల్ 1 నుంచి 18 వరకు రాష్ట్ర వ్యాప్తంగా మందుబాబులు రూ.670 కోట్ల విలువైన 23 లక్షల కేసుల బీర్లను తాగేశారట. ఇది ఆల్టైమ్ రికార్డు అని ఎక్సైజ్ అధికారులు చెపుతున్నారు. గతేడాది ఇదే నెల కంటే 28.7% అధికంగా బీర్ల అమ్మకాలు జరిగాయని చెప్పుకొచ్చారు. గత 15 రోజులుగా బీర్ల తయారీ తగ్గడంతో అమ్మకాలు ఇంకాస్త తగ్గాయని లేదంటే ఇంకా పెరిగి ఉండేదని అంటున్నారు.

వర్ష ప్రభావం లేకపోవడంతో బీర్ల కొరత ఏర్పడిందని.. డిమాండ్ తగ్గ బీర్లను అందించలేకపోతున్నామని చెపుతున్నారు.