TS : రైతులకు రేవంత్ సర్కార్ గుడ్ న్యూస్
అకాల వర్షాల కారణంగా పంటలు నష్టపోయిన రైతులను తెలంగాణ ప్రభుత్వం (Telangana Government) ఆదుకుంటుందని వ్యవసాయ శాఖ మంత్రి తుమ్మల నాగేశ్వరరావు బుధవారం తెలిపారు. రాష్ట్రంలోని కొన్ని ప్రాంతాల్లో వడగళ్ల వాన వల్ల పంటలకు జరిగిన నష్టాన్ని అంచనా వేయాలని ముఖ్యమంత్రి ఎ.రేవంత్ రెడ్డి అధికారులను ఆదేశించారని తెలిపారు. రైతులకు సహాయం చేయడంలో ప్రభుత్వం చిత్తశుద్ధితో ఉందని పేర్కొంటూ, ప్రధాన ప్రతిపక్షం భారత రాష్ట్ర సమితి విమర్శలను మంత్రి తోసిపుచ్చారు.
బీఆర్‌ఎస్‌ నేతలు పదేళ్ల పాలనలో రైతులను మోసం చేశారనీ.. రైతుల సంక్షేమం కోసం పాటుపడుతున్న కాంగ్రెస్ ప్రభుత్వంపై నిరాధార ఆరోపణలు చేస్తున్నారని మండిపడ్డారు మంత్రి తుమ్మల. బీఆర్‌ఎస్‌ ప్రభుత్వం పదేళ్ల అధికారంలో ఉన్న రైతులకు ఇన్‌పుట్‌ సబ్సిడీలు అందించలేదని, ఒక్కసారి మాత్రమే.. అది కూడా ఎన్నికల ముందు అకాల వర్షాల వల్ల నష్టపోయిన రైతులకు రూ.150 కోట్ల పరిహారం అందించిందన్నారు. ప్రభుత్వం ఉత్తర్వులు మాత్రమే జారీ చేసిందని, నిధులు విడుదల చేయలేదన్నారు.
తెలంగాణ ప్రణాళికా సంఘం ఉపాధ్యక్షుడు జి.చిన్నా రెడ్డి మాట్లాడుతూ.. నష్టపోయిన రైతులను ఆదుకోవాలని ప్రభుత్వం నిర్ణయించిందని, నష్టాల వివరాలను అందజేయాలని అధికారులను ముఖ్యమంత్రి కోరారు. తొమ్మిది జిల్లాల్లో రైతులు నష్టపోయారని చిన్నారెడ్డి తెలిపారు. కామారెడ్డి జిల్లా అకాల వర్షాలు, వడగళ్ల వానలకు అతలాకుతలమైంది. మాజీ మంత్రి కెటి రామారావు, నిరంజన్‌రెడ్డిలకు వేరే పని లేకుండా పోయిందని, ప్రభుత్వంపై విమర్శలు చేయడం తప్ప మరో పని లేదన్నారు. అకాల వర్షాల వల్ల నష్టపోయిన రైతుల కష్టాలను కాంగ్రెస్ ప్రభుత్వం పట్టించుకోలేదన్న కేటీఆర్‌ కు కౌంటరిచ్చారు.
