Shocking Video : కాళ్లు నాకించుకున్న సీనియర్లు.. బడిలో షాకింగ్ వీడియో
పేరుకే అమెరికా కానీ.. అత్యంత దరిద్రమైన సంఘటనలన్నీ అక్కడే జరుగుతాయి. అమెరికాలోని కొందరు పాఠశాల విద్యార్థులు ఓ షాకింగ్ పని చేశారు. ఓక్లహోమాలోని డీర్ క్రీక్ హైస్కూల్‌కు చెందిన విద్యార్థులు తమ స్నేహితుల పాదాలపైన ఉన్న పీనట్ బటర్ నాకారు. ఈ ఘటనకు సంబంధించిన వీడియో ఇంటర్నెట్‌లో వైరల్‌గా మారింది.
స్కూల్ ఈవెంట్‌లో భాగంగా జిమ్‌లోని ఫ్లోర్‌పై పడుకుని ఇలా చేశారు. ఆన్‌లైన్‌లో చాలా మంది ఈ వీడియోపై ఆగ్రహం, అసహ్యం వ్యక్తం చేశారు. విద్యార్థులు ఇలా చేయడం సరికాదని, అనారోగ్యకరమన్నారు. ఓక్లహోమా స్టేట్ ఎడ్యుకేషన్ డిపార్ట్‌మెంట్ కూడా ఈ వీడియోను చూసి దానిపై దర్యాప్తు చేయాలని నిర్ణయించింది. రాష్ట్ర సూపరింటెండెంట్, ర్యాన్ వాల్టర్స్ వీడియో చూశాక తాను షాక్ అయ్యానని ఎక్స్‌ ప్లాట్‌ఫామ్‌లో పోస్ట్ చేశారు.
ఫిబ్రవరి 29న జరిగిన ఒక ఈవెంట్ నుంచి ఈ వీడియో వచ్చింది. ప్రత్యేక అవసరాలు ఉన్న వ్యక్తులకు ఉద్యోగాలు ఇచ్చే కాఫీ షాప్ కోసం నిధుల సేకరించడానికి ఉద్దేశించి ఈ ఈవెంట్ నిర్వహించారు. 9 నుంచి 12వ తరగతి వరకు చదువుతున్న విద్యార్థులు.. కాఫీ షాప్ కోసం డబ్బులు సేకరించేందుకు ఇలా చేయాలని ఎంచుకున్నారు. చాలా డబ్బు వసూలు అయింది కానీ.. వీడియో కాంట్రవర్సీ అయింది. స్కూల్ లీడర్లు తల్లిదండ్రులకు, విద్యార్థులకు సారీ చెప్పాల్సి వచ్చింది.
