Finland : పాఠశాలలో కాల్పులు.. పలువురికి గాయాలు

Finland : ఫిన్లాండ్‌లోని ప్రాథమిక పాఠశాలలో ఈ రోజు తెల్లవారుజామున జరిగిన కాల్పుల్లో పలువురు గాయపడ్డారని, ఆ తర్వాత ఒక అనుమానితుడిని పట్టుకున్నారని ఫిన్లాండ్ పోలీసులు ఒక ప్రకటనలో తెలిపారు. ఒకటో తరగతి నుంచి తొమ్మిదో తరగతి వరకు దాదాపు 800 మంది విద్యార్థులు చదువుతున్న రాజధాని హెల్సింకీ శివారు ప్రాంతమైన వాన్టాలోని వియర్టోలా పాఠశాలలో ఈ కాల్పులు జరిగాయి.

గాయపడిన వారు పిల్లలే అయి ఉంటారని పోలీసులు భావిస్తున్నట్లు స్థానిక సమాచారం. హెల్సింకికి ఉత్తరాన 10 మైళ్ల దూరంలో ఉన్న వాన్టాలోని వియెర్టోలా పాఠశాలకు సమాచారమందుకున్న వెంటనే అత్యవసర సేవలు చేరుకున్నాయి. ఉదయం 7 గంటలకు (స్థానిక సమయం ఉదయం 9) నిమిషాల తర్వాత ఒక సాయుధుడు కాల్పులు జరిపినట్లు సమాచారం.

సంఘటనా స్థలంలో ఉన్న అధికారులలో సాయుధ పోలీసు అధికారులు ఉన్నట్లు ఫిన్నిష్ బ్రాడ్‌కాస్టర్ MTV యుటిసెట్ నివేదించింది. ఫిన్నిష్ పోలీసులు ప్రకారం: "పోలీసులు సంఘటనా స్థలానికి చేరుకున్నారు, ఈ సంఘటనపై దర్యాప్తు చేస్తున్నారు. చుట్టుపక్కలవారు ఆ ప్రాంతానికి దూరంగా ఉండాలని కోరారు. అపరిచితులు ఎవరైనా వస్తే తలుపులు తెరవకూడదు" అని చెప్పారు.