యుద్దం సృష్టిస్తున్న బీభత్సం.. 40 మంది పసిబిడ్డలు హతం

యుద్ధం వినాశనాన్ని సృష్టిస్తుంది. ఇజ్రాయెల్ పై హమాస్ చేస్తున్న దాడిలో వేలాది మంది మృత్యువాత పడుతున్నారు. ప్రపంచం చూడని చిన్నారులు సైతం పసి వయసులోనే యుద్ధంలో శిధిలమవుతున్నారు. హమాస్ ఉగ్రవాదులు కనీసం 40 మంది చిన్న పిల్లలను దారుణంగా చంపడం, కొందరిని శిరచ్ఛేదం చేయడంతో ఇజ్రాయెల్ అధికారులు, విలేకరులు షాక్‌కు గురయ్యారు.

దాదాపు 70 మంది హమాస్ ఉగ్రవాదులు తుపాకులు, గ్రెనేడ్లు, కత్తులు ఉపయోగించి ఈ క్రూరమైన చర్యలకు పాల్పడ్డారని సమాచారం. ఇది యుద్ధం కాదని, ఊచకోత అని ఐడీఎఫ్ డెప్త్ కమాండ్ హెడ్ జనరల్ ఇటై వెరువ్ అన్నారు. "తల్లులు, తండ్రులు, పిల్లలు, యువ కుటుంబాలు, నిద్రిస్తున్న సమయంలోనూ, భోజనం చేస్తున్నసమయంలోనో చంపబడ్డారు" అని వెరువ్ చెప్పారు. "ఇది యుద్ధం కాదు, యుద్ధభూమి కాదు. ఇది ఊచకోత" అని వెరువ్ బాధాతప్త హృదయంతో అన్నారు. కొంతమంది బాధితులను శిరచ్ఛేదం చేశారని ఆయన తెలిపారు. "నేను ఇలాంటి బీభత్సం మునుపెన్నడూ చూడలేదు. నా 40 ఏళ్ల సర్వీసులో ఇది అత్యంత హృదయవిదారక సంఘటన అని అన్నారు.

"అన్నిచోట్లా మృతదేహాలు గుట్టలుగా పడి ఉన్నాయి అని 38 ఏళ్ల వ్యక్తి చెప్పాడు. " మా చిన్న స్వర్గం పూర్తిగా కాలిపోయింది. రక్తమోడుతున్న మృతదేహాలు ప్రతిచోటా చూశాము." అని ఇజ్రాయెల్ కు చెందిన వ్యక్తి ఆవేదన వ్యక్తం చేస్తున్నాడు. ఫ్రెంచ్ జర్నలిస్ట్ మార్గోట్ హద్దత్ ఈ దారుణాలను ధృవీకరించారు. వాటిని భయానక సంఘటనలుగా అభివర్ణించారు.

ఇజ్రాయెల్ డిఫెన్స్ ఫోర్సెస్ నుండి రిజర్విస్ట్‌లు కమ్యూనిటీని క్లియర్ చేయడానికి పని చేస్తున్నారు. అయితే చాలా ఇళ్లలో గ్రెనేడ్‌లు ఉండటం వల్ల ప్రక్రియకు ఆటంకం ఏర్పడింది. శిధిలాలతో నిండిన వీధులు, చిన్నారుల ఊయలలు, ఎడారిగా మారిపోయిన పిల్లల సాకర్ నెట్ ఉన్నాయి. ఒకప్పుడు అక్కడ నివసించిన కుటుంబాలను వెంటాడే రిమైండర్. అనూహ్యమైన విషాదాన్ని ఎదుర్కొన్న సైనికులు, దాడి యొక్క క్రూరత్వాన్ని చూసి నమ్మలేని స్థితిలో ఉన్నారు. ఇజ్రాయెల్ అధికారుల ప్రకారం, హమాస్ దాడి 1,000 మంది వ్యక్తుల ప్రాణాలను బలిగొంది.