ఆర్థిక సమస్యలు ఉన్నా.. కరోనా నియంత్రణలో రాజీపడొద్దని అన్ని రాష్ట్రాల సీఎస్‌లు, డీజీపీలతో కేంద్ర కేబినెట్ సెక్రటరీ రాజీవ్ గౌబ్ సూచించారు. వీడియో కాన్ఫరెన్స్ మాట్లాడి ఈ మేరకు ఆదేశించారు. లాక్‌డౌన్‌తో కరోనా నివారణలో మంచి ఫలితాలు కనిపిస్తున్నాయని.. మే 3 వరకు ఈ పరిస్థితి ఇలాగే కొనసాగించాలని అన్నారు. విదేశాలలో చిక్కుకున్న భారతీయులను తీసుకొచ్చేందుకు అన్ని ప్రయత్నాలు జరుగుతున్నాయని.. అటు, వలస కూలీలకు తగిన సౌకర్యాలు కల్పించామన్నారు. వలస కార్మికులను సొంత రాష్ట్రాలకు తరలించడంపై సాధ్యాసాధ్యాలను పరిశీలించాలని రాష్ట్రాలకు సూచించామని రాజీవ్ గౌబ తెలిపారు.