శనివారం టీటీడీ పాలకమండలి సమావేశం

శనివారం తిరుమల తిరుపతి దేవస్థానం పాలకమండలి సమావేశం జరుగనుంది. శనివారం వీడియో కాన్ఫరెన్స్ ద్వారా సమావేశాన్ని టీటీడీ నిర్వహించనుంది. దర్శన విధివిధానాలపై పాలకమండలి చర్చించనుంది.

కరోనా విజృంభిస్తోన్న నేపథ్యంలో.. ప్రస్తుతం 12వేల మంది భక్తులను శ్రీవారి దర్శనానికి అనుమతిస్తున్నారు. అయితే ఈ సంఖ్యను పెంచే అంశంపై ఈ సమావేశంలో చర్చించనున్నట్లు తెలుస్తోంది. కరోనా బారిన పడుతున్న టీటీడీ ఉద్యోగుల సంఖ్య పెరుగుతుంది. ఈ నేపథ్యంలో తీసుకోవాల్సిన జాగ్రత్తలపై పాలకమండలి చర్చించనుంది. ఇక టీటీడీ ఆస్తులపై శ్వేత పత్రం కూడా విడుదల చేసే అవకాశం ఉంది.