బాలీవుడ్ హీరో సుశాంత్ సింగ్ రాజ్పుత్ మృతి కేసులో సిబిఐ విచారణ చేయాలని ఆయన అభిమానులు నిరంతరం డిమాండ్ చేస్తున్న సంగతి తెలిసిందే. బిజెపి ఎంపి రూప గంగూలీ, నటుడు శేఖర్ సుమన్ కూడా సిబిఐ దర్యాప్తుకు మద్దతు పలికారు. ఇప్పుడు ఆ జాబితాలో బిజెపికి చెందిన రాజ్యసభ ఎంపి, కేంద్ర మాజీ మంత్రి సుబ్రమణియన్ స్వామి కూడా చేరారు. ఎప్పుడు రాజకీయాలపై మాట్లాడే సుబ్రమణ్య స్వామి సుశాంత్ సింగ్ మృతి కేసు విషయంలో జోక్యం చేసుకున్నారు. ఈ కేసులో సిబిఐ దర్యాప్తుకు అర్హత ఉందో లేదో అర్థం చేసుకోవడానికి ఈ కేసులోని వాస్తవాలను దర్యాప్తు చేయమని.. న్యాయవాది, ఆర్థికవేత్త, రాజకీయ విశ్లేషకుడు అయినా ఇషకరన్ సింగ్ భండారిని ట్విట్టర్ ద్వారా కోరారు.