AYURVEDAM: ఆయుర్వేద వైద్యంలో... ఆ"పరేషాన్"
ఆయుర్వేదంలో ఆపరేషన్లకు అనుమతి... 58 సర్జీలకు కేంద్ర ప్రభుత్వం ఓకే.. ఇటీవలే ఉత్తర్వులు ఇచ్చిన ఏపీ...వ్యతిరేకిస్తున్న అల్లోపతి వైద్యులు
ఆయుర్వేదంలో ఆపరేషన్లకు ఇటీవల కేంద్రం ప్రభుత్వం గ్రీన్ సిగ్నల్ ఇచ్చిన విషయమై భిన్నస్వరాలు వినిపిస్తున్నాయి. కొందరు సమ్మతిస్తుండగా.. మరికొందరు వ్యతిరేకిస్తున్నారు. నైపుణ్య శిక్షణ పూర్తిచేసుకున్న ఆయుర్వేద పీజీ వైద్యులు 58 రకాల శస్త్రచికిత్సలను స్వతంత్రంగా చేసే వెసులుబాటు కల్పిస్తూ ఇటీవల ఏపీ రాష్ట్ర ప్రభుత్వం ఉత్తర్వులు జారీచేంది. ఈ నేపథ్యంలో పలువురి నుంచి అనుకూల, ప్రతికూల వ్యాఖ్యలు వినిపిస్తున్నాయి. భారతీయ కేంద్ర వైద్యమండలి(సీసీఐఎం) 2020 నవంబర్ 20న జారీచేసిన గెజిట్ నోటిఫికేషన్ ప్రకారం కేంద్ర ప్రభుత్వం మార్గదర్శకాలకు అనుగుణంగా 39 శల్యతంత్ర(హెర్నియా, వేరికోస్ వీన్స్, హైడ్రోసీల్, పైల్స్, ఫిషర్, ఫిస్టులా తదితర సాధారణ శస్త్రచికిత్సలు), 19 శలాక్యతంత్ర(ఈఎన్టీ, నేత్ర, దంత వంటి ఇతర విభాగాల) శస్త్రచికిత్సల నిర్వహణకు ఆయుర్వేద పీజీలకు కోర్సుల సమయంలో అధికారిక శిక్షణ ఇస్తారు. అర్హత పొందిన ఆయుర్వేద పీజీ డాక్టర్లకు స్వతంత్రంగా సర్జరీలు చేసే వెసులుబాటు కల్పించనున్నారు. తాజా నిర్ణయంలో భాగంగా ఏపీ వైద్యారోగ్యశాఖ మంత్రి సత్యకుమార్, ఆ రాష్ట్ర ఆయుష్ సంచాలకుడు దినేశ్ కుమార్ పలు నిర్ణయాలు తీసుకున్నారు. అలాగే విజయవాడలోని ప్రభుత్వ ఆయుర్వేద కళాశాలలో శల్య, శలాక్య తంత్ర పీజీ కోర్సులు ప్రవేశపెట్టాలని, ఆపరేషన్ థియేటర్లు, శస్త్రచికిత్స వంటి పరికరాలను సమకూర్చాలని ఆదేశించారు. పీజీ వైద్య విద్యార్థులకు సర్జరీలపై అవగాహన కల్పించేలా నాణ్యమైన విద్యతో కూడిన కోర్సులు నిర్వహించాలని సూచించారు. ఈ ఉత్తర్వులపై అల్లోపతి వైద్యులు తీవ్ర ఆవేదన వ్యక్తం చేస్తున్నారు. ఈ అనుమతి రోగుల భద్రతకు ముప్పు తెస్తుందని హెచ్చరిస్తున్నారు.
తీవ్ర స్థాయిలో చర్చలు
ఆయుర్వేదంలో ఆపరేషన్లు నిర్వహించేందుకు కేంద్ర ప్రభుత్వం గ్రీన్ సిగ్నల్ ఇవ్వడం దేశవ్యాప్తంగా తీవ్ర చర్చకు దారితీసింది. ఈ నిర్ణయాన్ని కొందరు స్వాగతిస్తుండగా, మరికొందరు తీవ్రంగా వ్యతిరేకిస్తున్నారు. ముఖ్యంగా అల్లోపతి వైద్యులు ఈ అంశంపై తీవ్ర ఆందోళన వ్యక్తం చేస్తున్నారు. ఈ నిర్ణయం రోగుల భద్రతకు ముప్పుగా మారవచ్చని వారు అభిప్రాయపడుతున్నారు. నైపుణ్య శిక్షణను పూర్తిచేసుకున్న ఆయుర్వేద పీజీ వైద్యులు మొత్తం 58 రకాల శస్త్రచికిత్సలను స్వతంత్రంగా నిర్వహించుకునేలా అనుమతిస్తూ ఆంధ్రప్రదేశ్ రాష్ట్ర ప్రభుత్వం ఇటీవల ఉత్తర్వులు జారీ చేసింది. ఈ నిర్ణయం ద్వారా ఆయుర్వేద వైద్య విధానానికి మరింత గుర్తింపు లభిస్తుందని మద్దతుదారులు భావిస్తున్నారు. అయితే, రోగుల ప్రాణాల భద్రత దృష్ట్యా ఇది సరైన నిర్ణయం కాదని వ్యతిరేక వర్గాలు అభిప్రాయపడుతున్నాయి. ఈ అంశంపై దేశవ్యాప్తంగా తీవ్ర స్థాయిలో చర్చ కొనసాగుతోంది. భారతీయ కేంద్ర వైద్య మండలి (సీసీఐఎం) 2020 నవంబర్ 20న జారీ చేసిన గెజిట్ నోటిఫికేషన్ ప్రకారం, కేంద్ర ప్రభుత్వ మార్గదర్శకాలకు అనుగుణంగా ఆయుర్వేద పీజీ కోర్సుల సమయంలో శస్త్రచికిత్సలకు సంబంధించిన అధికారిక శిక్షణ ఇవ్వనున్నారు. ఇందులో 39 రకాల శల్యతంత్ర శస్త్రచికిత్సలు ఉన్నాయి. వీటిలో హెర్నియా, వేరికోస్ వీన్స్, హైడ్రోసీల్, పైల్స్, ఫిషర్, ఫిస్టులా వంటి సాధారణ ఆపరేషన్లు ఉన్నాయి. అదేవిధంగా 19 రకాల శలాక్యతంత్ర శస్త్రచికిత్సలు కూడా ఉన్నాయి. వీటిలో ఈఎన్టీ, నేత్ర, దంత సంబంధిత శస్త్రచికిత్సలు ఉన్నాయి.
మంత్రి కీలక ఆదేశాలు
విజయవాడలోని ప్రభుత్వ ఆయుర్వేద కళాశాలలో శల్య, శలాక్య తంత్ర పీజీ కోర్సులు ప్రారంభించాలని మంత్రి సత్యకుమార్ ఆదేశించారు. ఆపరేషన్ థియేటర్లు, సర్జరీ అవసరమైన పరికరాలు కూడా ఏర్పాటు చేయాలని సూచించారు. విద్యార్థులకు మంచి శిక్షణ ఇచ్చి, శస్త్ర చికిత్సలపై అవగాహన పెంచాలని మంత్రి చెప్పారు. ఈ కొత్త విధానం వల్ల పురాతన భారతీయ వైద్య పద్ధతులు, ఆధునిక చికిత్సలు రెండూ కలిసి ప్రజలకు మేలు చేస్తాయని మంత్రి తెలిపారు. కేంద్రం 2020లో ఆయుర్వేద వైద్యులూ సర్జరీలు చేయొచ్చని.. ఆయుర్వేదంలో పీజీ విద్యార్థులకు శస్త్రచికిత్సల్లో శిక్షణ ఇవ్వాలని నిర్ణయించింది.