AP High Court : వైసీపీ మాజీ ఎమ్మెల్యే కేతిరెడ్డి పెద్దారెడ్డికి హైకోర్టు షాక్..

వైసీపీ మాజీ ఎమ్మెల్యే కేతిరెడ్డి పెద్దారెడ్డికి ఆంధ్రప్రదేశ్ హైకోర్టు డివిజన్ బెంచ్ ఊహించని షాక్ ఇచ్చింది. తాడిపత్రికి వెళ్లడానికి ఆయనకు భద్రత కల్పించాలని గతంలో సింగిల్ జడ్జి ఇచ్చిన ఉత్తర్వులను డివిజన్ బెంచ్ రద్దు చేసింది. ఈ మేరకు మధ్యంతర ఉత్తర్వులను జారీ చేసింది. కేతిరెడ్డి పెద్దారెడ్డి తాడిపత్రికి వెళ్లేందుకు హైకోర్టు సింగిల్ జడ్జి ఇచ్చిన అనుమతిపై అనంతపురం ఎస్పీ జగదీష్ డివిజన్ బెంచ్‌లో అప్పీల్ పిటిషన్ దాఖలు చేశారు. పెద్దారెడ్డి తాడిపత్రికి వస్తే శాంతిభద్రతల సమస్యలు తలెత్తే అవకాశం ఉందని ఎస్పీ తరపు న్యాయవాది కోర్టుకు తెలిపారు. ఇరు పక్షాల వాదనలు విన్న డివిజన్ బెంచ్, సింగిల్ జడ్జి ఉత్తర్వులను సస్పెండ్ చేస్తూ మధ్యంతర ఉత్తర్వులు జారీ చేసింది.

అంతేకాకుండా, కేతిరెడ్డి పెద్దారెడ్డికి నోటీసులు జారీ చేసిన హైకోర్టు, తదుపరి విచారణను మూడు వారాలకు వాయిదా వేసింది. ఈ తాజా పరిణామం తాడిపత్రి రాజకీయాల్లో చర్చనీయాంశంగా మారింది.