GOLD: బంగారంపై కొత్త కస్టమ్ రూల్స్

విదేశాల నుంచి వచ్చే భారతీయులకు మరియు పర్యాటకులకు కేంద్ర ప్రభుత్వం భారీ ఊరటనిచ్చింది. దశాబ్ద కాలంగా ఉన్న పాత నిబంధనలను సవరిస్తూ, కేంద్ర పరోక్ష పన్నులు, కస్టమ్స్‌ బోర్డు (CBIC) ‘బ్యాగేజీ నిబంధనలు 2026’ను ఈనెల 2 నుంచి అమల్లోకి తెచ్చింది. బంగారం ఆభరణాల పరిమితితో పాటు, వ్యక్తిగత వస్తువుల డ్యూటీ ఫ్రీ లిమిట్‌ను పెంచుతూ తీసుకున్న ఈ నిర్ణయం విదేశీ ప్రయాణికులకు పెద్ద ఊరటనివ్వనుంది.

పసిడి ఆభరణాలపై కొత్త నిబంధనలు

గతంలో బంగారు ఆభరణాల తెచ్చుకునే పరిమితి నగదు విలువ ప్రాతిపదికన ఉండేది. కానీ ఇప్పుడు దానిని బరువు ప్రాతిపదికన మార్చారు.

మహిళా ప్రయాణికులు: 40 గ్రాముల వరకు బంగారు ఆభరణాలను ఎలాంటి సుంకం లేకుండా తీసుకురావచ్చు. (గతంలో రూ. 1 లక్ష వరకు మాత్రమే).

పురుష ప్రయాణికులు: 20 గ్రాముల వరకు పసిడి ఆభరణాలకు అనుమతి ఉంటుంది. (గతంలో రూ. 50 వేల వరకు మాత్రమే). కనీసం ఏడాది పాటు విదేశాల్లో నివసించిన వారికి మాత్రమే ఈ సడలింపు వర్తిస్తుంది. ఇది కేవలం ఆభరణాలకు మాత్రమే; బంగారు బిస్కెట్లు, కడ్డీలకు ఎలాంటి మినహాయింపు ఉండదు. విదేశాల నుంచి వచ్చే భారతీయ నివాసితులు మరియు భారత సంతతి పర్యాటకులు తమ వెంట తెచ్చుకునే కొత్త వస్తువుల పరిమితిని రూ. 50,000 నుంచి రూ. 75,000కు పెంచారు. అంటే, రూ. 75 వేల విలువైన వస్తువులపై కస్టమ్స్ డ్యూటీ చెల్లించనక్కర్లేదు. అయితే, రెండేళ్ల లోపు పిల్లలకు ఈ మినహాయింపు ఉండదు.

ల్యాప్‌టాప్‌లు: 18 ఏళ్లు పైబడిన ప్రతి ప్రయాణికుడు తమ వెంట ఒక కొత్త ల్యాప్‌టాప్‌ లేదా నోట్‌ప్యాడ్‌ను సుంకం లేకుండా తెచ్చుకోవచ్చు. శాశ్వతంగా భారత్‌కు వస్తుంటే: ఉద్యోగం ముగించుకుని శాశ్వతంగా భారత్‌కు తిరిగి వచ్చే వారికి వారు అక్కడ నివసించిన కాలాన్ని బట్టి భారీ మినహాయింపులు ఇచ్చారు.

3-12 నెలలు ఉన్న వారికి: రూ. 1.50 లక్షల వరకు.

ఏడాది పాటు ఉన్న వారికి: రూ. 3 లక్షల వరకు.

రెండేళ్లకు పైబడి ఉన్న వారికి: గరిష్ఠంగా రూ. 7.50 లక్షల విలువైన వస్తువులపై సుంకం ఉండదు.

మద్యం & సిగరెట్లు: 2 లీటర్ల మద్యం, 100 సిగరెట్లు, 125 గ్రాముల పొగాకు వరకు మినహాయింపు కొనసాగుతుంది.

బదిలీ కుదరదు: ఒక ప్రయాణికుడికి ఉన్న పరిమితిని ఇంకొకరికి బదిలీ చేయడం లేదా కుటుంబ సభ్యులందరి లిమిట్‌ను కలిపి ఒకే వస్తువుపై వాడటం కుదరదు.

సి­బ్బం­ది­కి పరి­మి­తి: వి­మాన లేదా నౌకా సి­బ్బం­ది కే­వ­లం రూ. 2,500 వి­లు­వైన చా­క్లె­ట్లు లేదా కా­స్మె­టి­క్స్ మా­త్ర­మే తె­చ్చు­కో­వా­లి. అం­త­ర్జా­తీయ పరి­ణా­మాల నే­ప­థ్యం­లో బం­గా­రం ధర­ల్లో భారీ మా­ర్పు­లు కని­పి­స్తు­న్నా­యి. ఒకా­నొక దశలో భా­రీ­గా పత­న­మైన పసి­డి, ప్ర­స్తు­తం హై­ద­రా­బా­ద్‌ మా­ర్కె­ట్లో 10 గ్రా­ముల మే­లి­మి బం­గా­రం ధర రూ. 1,50,000 వద్ద, కిలో వెం­డి ధర రూ. 2,48,490 వద్ద కొ­న­సా­గు­తోం­ది. ప్ర­యా­ణి­కు­లు వి­దే­శీ కరె­న్సీ వి­ష­యం­లో­నూ 'ఫె­మా' ని­బం­ధ­న­ల­ను ఖచ్చి­తం­గా పా­టిం­చా­ల­ని అధి­కా­రు­లు స్ప­ష్టం చే­శా­రు.