Tata Motors: కారు కల నెరవేరేలా.. టాటా మోటార్స్ భారీ డిస్కౌంట్స్

Tata Motors: నాణ్యతలో నెంబర్‌వన్‌గా నిలిచిన టాటా మోటార్స్ తన కొత్త మోడల్స్‌కి అత్యుత్తమ ఇన్ క్లాస్ ఫీచర్‌లను జత చేసి తనదైన ముద్రతో వినియోగదారులను ఆకట్టుకుంటోంది.. తాజాగా సంస్థ తన అమ్మకాలను విస్తరించే ప్రయత్నంలో భాగంగా వివిధ కార్లపై భారీ డిస్కౌంట్లను అందిస్తోంది.

నెక్సాన్, టిగోర్, SUV టాటా సఫారి వంటి చాలా మోడల్స్‌పై డిస్కౌంట్లు అందిస్తున్నట్లు ప్రకటించింది. Tata Altroz ​​కొనుగోలు చేయాలనుకుంటున్న కస్టమర్‌లు Tata డీలర్‌షిప్‌ల ద్వారా రూ. 10,000 వరకు తగ్గింపును పొందవచ్చు. పెట్రోల్ వేరియంట్‌కు అయితే రూ. 7,500 విలువైన తగ్గింపును పొందవచ్చు.

SUV టాటా సఫారి కూడా తగ్గింపు ధరతో వస్తుంది. ఒకవేళ మీ దగ్గర ఉన్న వాహనాన్ని మార్చి సఫారి తీసుకోవాలని ప్లాన్ చేస్తే, 2021 మోడల్ కారు కోసం రూ. 60,000 వరకు ఎక్స్ఛేంజ్ బోనస్‌తో పాటు నగదులో కూడా తగ్గింపు ఉంటుందని తెలియజేసింది. అయితే 2022 మోడల్‌కు రూ. 40,000 ఎక్స్‌ఛేంజ్ బోనస్ అందించబడుతోంది.

2021 టాటా హారియర్ మోడల్ కోసం, డీలర్‌షిప్‌లు రూ. 25,000 వరకు తగ్గింపును అందిస్తున్నాయి. 2021 మోడల్‌కు రూ. 60,000 వరకు ఎక్స్ఛేంజ్ బోనస్‌తో పాటు నగదు తగ్గింపు ఉంటుంది.2022 మోడల్‌కు రూ. 40,000 ఎక్స్‌ఛేంజ్ బోనస్‌లు కూడా SUVతో ఆఫర్‌లో ఉన్నాయి.

అదే సమయంలో, టాటా టిగోర్ మరియు టియాగోపై వాహనాలపై రూ. 10,000 మరియు రూ. 5,000 వరకు తగ్గింపు ఉంది. 5-స్టార్ గ్లోబల్ NCAP రేటింగ్‌తో ఉన్న టాటా Nexon, ఈ నెలలో తగ్గింపు ధరతో కస్టమర్లకు అందుబాటులో ఉండనుంది. పవర్-ప్యాక్డ్ హ్యాచ్‌బ్యాక్‌ని కొనుగోలు చేయాలని చూస్తున్న

వినియోగదారులుకొన్ని తగ్గింపు ధరలతో పాటు ప్రయోజనాలను కూడా పొందవచ్చు. 2021 నెక్సాన్ డీజిల్ వేరియంట్‌తో మీ కారును మార్చుకుంటే రూ. 15,000 వరకు బోనస్ పొందవచ్చు. Nexon యొక్క పెట్రోల్, డీజిల్ వేరియంట్ కోసం వరుసగా రూ. 5,000 మరియు రూ. 10,000 తగ్గింపు ధరలతో కస్టమర్లను ఆకర్షిస్తోంది.