TVS Star City Plus : లీటరుకు 83 కి.మీ మైలేజ్.. లక్ష లోపే అదిరిపోయే టీవీఎస్ స్టార్ సిటీ ప్లస్ బైక్.

TVS Star City Plus :మీరు ప్రతిరోజూ ఆఫీసుకో లేదా పనికో బైక్ మీద వెళ్తుంటారా? పెట్రోల్ ధరలు చూసి బెంబేలెత్తిపోతున్నారా? అయితే మీకు ఒక శుభవార్త. ఒక లక్ష రూపాయల కంటే తక్కువ బడ్జెట్‌లో, అదిరిపోయే మైలేజ్ ఇచ్చే బైక్ కోసం చూస్తుంటే టీవీఎస్ స్టార్ సిటీ ప్లస్ మీకు బెస్ట్ ఆప్షన్ కానుంది. సౌకర్యవంతమైన ప్రయాణంతో పాటు జేబుకు చిల్లు పడకుండా ఉండాలనుకునే మధ్యతరగతి వారి కోసం ఈ బైక్ ఒక వరం లాంటిది.

మైలేజ్ చూస్తే మైండ్ బ్లాక్ అవ్వాల్సిందే

ఈ బైక్ ప్రత్యేకత ఏమిటంటే దీని మైలేజ్. బైక్ దేఖో రిపోర్ట్ ప్రకారం.. టీవీఎస్ స్టార్ సిటీ ప్లస్ ఒక లీటర్ పెట్రోల్‌కు ఏకంగా 83.07 కిలోమీటర్ల మైలేజీని ఇస్తుంది. ఇందులో 10 లీటర్ల ఫ్యూయల్ ట్యాంక్ ఉంటుంది. అంటే ఒక్కసారి ఫుల్ ట్యాంక్ చేస్తే చాలు.. మీరు ఏకంగా 830 కిలోమీటర్ల కంటే ఎక్కువ దూరం ప్రయాణించవచ్చు. సాధారణ బైక్‌లతో పోలిస్తే ఇది 15 శాతం ఎక్కువ మైలేజీని ఆఫర్ చేస్తోందని కంపెనీ గర్వంగా చెబుతోంది.

ధర ఎంతంటే?

ధర విషయంలో కూడా టీవీఎస్ కంపెనీ కస్టమర్లను ఆకట్టుకుంటోంది. ఈ బైక్ డ్రమ్ వేరియంట్ ఎక్స్-షోరూమ్ ధర సుమారు రూ. 72,500 గా ఉంది. డిస్క్ బ్రేక్ వేరియంట్ కూడా దాదాపు అదే ధరలో అందుబాటులో ఉండటం విశేషం. అయితే ఆర్టీఓ, ఇన్సూరెన్స్ వంటి ఖర్చులు అదనంగా ఉంటాయి. మార్కెట్లో ఈ బైక్ హోండా షైన్ 100, హీరో స్ప్లెండర్ ప్లస్, బజాజ్ ప్లాటినా వంటి హేమాహేమీలతో పోటీ పడుతోంది.

ఇంజిన్, ఫీచర్లు

ఇందులో 109.7 సీసీ సింగిల్ సిలిండర్, ఎయిర్-కూల్డ్ ఇంజిన్ ఉంది. ఇది 8.08 బీహెచ్‌పీ పవర్‌ను ఉత్పత్తి చేస్తుంది. 4-స్పీడ్ మాన్యువల్ గేర్‌బాక్స్ వల్ల సిటీ ట్రాఫిక్‌లో కూడా స్మూత్‌గా డ్రైవ్ చేయవచ్చు. ఫీచర్ల విషయానికి వస్తే.. సెమీ డిజిటల్ ఇన్‌స్ట్రుమెంట్ క్లస్టర్, ప్రయాణంలో మొబైల్ ఛార్జ్ చేసుకోవడానికి యూఎస్‌బీ పోర్ట్, బైక్ ఏ మోడ్‌లో ఉందో చెప్పే ఎకో/పవర్ ఇండికేటర్లు ఉన్నాయి. సేఫ్టీ కోసం ట్యూబ్‌లెస్ టైర్లు, ముందు భాగంలో డిస్క్ బ్రేక్ వంటి సదుపాయాలు ఉన్నాయి.