సాయంత్రం 6 గంటలకు డిన్నర్, రాత్రి 9:30 గంటలకు లైట్స్ ఆఫ్: కరీనా కొత్త షెడ్యూల్ రివీల్

తన కొత్త షెడ్యూల్ ప్రకారం రాత్రి 9:30 గంటలకు ఇంట్లో లైట్లు ఆఫ్ చేస్తానని కరీనా కపూర్ తెలిపింది. తన స్నేహితులు ఇకపై తనను పార్టీలకు పిలవరని, వారు తనను అర్థం చేసుకుంటారని చెప్పింది.

కరీనా కపూర్ ఖాన్ ఇద్దరు పిల్లలకు తల్లి అయిన తర్వాత తన పని విధానాన్ని మార్చుకుంది. భర్త సైఫ్ అలీ ఖాన్ మరియు కుమారులతో గడపడానికి ప్రాధాన్యతనిస్తూ, ఆమె తన జీవనశైలి మార్పుల గురించి కూడా మాట్లాడింది.

నోడ్ మ్యాగజైన్‌తో జరిగిన సంభాషణలో, కరీనా తనను తాను ప్రూవ్ చేసుకునే పాత్రలను పోషించడంలో "నిజమైన ఆనందం" పొందానని తెలిపింది.. ఆమె ఇంకా ఇలా చెప్పింది, "ఎన్నో రకాల సినిమాలు, చాలా పాత్రలు చేసే అవకాశం నాకు లభించింది అని తెలిపింది.  

సరైన పాత్రలను ఎంచుకోవడం చాలా ముఖ్యం.  నన్ను సవాలు చేసే మరియు నన్ను ఉత్తేజపరిచే పాత్రలు వస్తే అంగీకరిస్తా.  అవి నా శక్తిని, నా ప్రతిభను నిరూపించుకోవడానికి అవకాశం కల్పిస్తాయి. పరిశ్రమలో తన ప్రయాణాన్ని గుర్తుచేసుకుంటూ, " ఇకపై పాత్రల కోసం ఎవరి వెంటా పడాల్సిన అవసరం లేదని అన్నారు. యువ నటులు పాత్రల కోసం పరిగెత్తడం నేను చూస్తున్నాను. నేను దానిని దాటినందుకు సంతోషంగా ఉన్నాను" అని ఆమె అన్నారు.

తన జీవనశైలిని ఎలా మార్చుకుందో చెబుతూ - సాయంత్రం 6 గంటలకు డిన్నర్ చేసి, రాత్రి 9:30 గంటలకు లైట్లు ఆర్పేయడంతో తన రోజు ముగుస్తుందని తెలిపింది. కరీనా వ్యాయామం కోసం, ఒంటరిగా తనతో తాను కొంత సమయం గడపడానికి త్వరగా మేల్కొంటానని చెప్పింది.

జనవరిలో ముంబైలోని తన ఇంట్లో ఒక దుండగుడు కత్తి దాడికి పాల్పడిన తర్వాత కరీనా మరింత అప్రమత్తంగా మారారు. కరీనా పని-జీవిత సమతుల్యతను కాపాడుకోవడం గురించి ఇలా చెప్పింది, “నా పిల్లలను ఒంటరిగా వదిలివేయాలని నాకు అనిపించడం లేదు. ఇకపై నేను కొన్ని అవార్డుల కార్యక్రమంలో కనిపించకూడదనుకుంటున్నాను.  ఎందుకంటే నేను నా భర్తతో ఇంట్లో కూర్చుని ఒక ప్రదర్శన చూడటానికి లేదా ఒక గ్లాసు వైన్ తాగడానికి ఇష్టపడతాను. నేను వ్యక్తిగతంగా ఎదుర్కొన్న అతిపెద్ద మార్పులలో ఇది ఒకటి. పని-జీవిత సమతుల్యతను సాధించడం నా ఇష్టం అని కరీనా తెలిపింది.