న్యూయార్క్ లో జరుగుతున్న మెట్ గాలా ఈవెంట్ లో స్టార్ హీరోయిన్ కియారా అద్వానీ బేబీ బంప్ తో మెరిసింది. ఇండియన్ డిజైనర్ గౌరవ్ గుప్తా రూపొందించిన ప్రత్యేక మైన గౌనులో తళుక్కుమంది. బంగారు రంగు టాప్, నలుపు గౌన్, తెల్లని క్లాత్తో అద్భుతంగా కనిపించింది. చేతుల్లో రింగ్స్, సింపుల్ నెక్లెస్ ఆమె లుక్ను మరింత హైలెట్ చేశాయి. ఇలా బేబీ బంప్ తో మెట్ గాలా కార్పెట్ పై ఎంట్రీ ఇచ్చిన మొదటి భారతీయ నటిగా నిలిచింది. దీనికి సంబంధించిన ఫొటోలు ప్ర స్తుతం సోషల్ మీడియాలో తెగ వైరలవుతున్నాయి. ఈ సం దర్భంగా నా జీవితంలో ఒక నటిగా, కాబోయే తల్లిగా మెట్ గాలా అరంగేట్రం చేయడం చాలా ప్రత్యేకమైన అను భూతిని కలిగిస్తోందని కియారా పేర్కొంది. నా స్టైలిస్ట్ లుక్ను డిజైన్ చేయడానికి గౌరవ్ సృష్టించిన డ్రెస్ కోడ్ చాలా అందంగా ఉందని తెలిపింది. ఇక సినిమాల విషయాని కొస్తే కియారా అద్వానీ చివరిసారిగా రామ్ చరణ్ సరసన కనిపించింది. శంకర్ డైరెక్షన్లో వచ్చిన గేమ్ ఛేంజర్ చిత్రంలో నటించింది. అయితే ఈ మూవీ బాక్సాఫీస్ వద్ద వసూళ్లు రాబట్టడంలో సక్సెస్ కాలేకపోయింది. కాగా.. బాలీవుడ్ హీరో సిద్ధార్థ్ మల్హోత్రాను పెళ్లాడిన ఈ ముద్దుగుమ్మ కొత్త ఏడాదిలోనే అభిమా నులకు గుడ్ న్యూస్ చెప్పింది. అయితే బేబీ బంబ్ తో ఈ బ్యూటీ కెమెరా ముందుకు రావడం ఇదే ఫస్ట్ం. త్వరలోనే కియారా దంపతులు తల్లిదండ్రులు కాబోతున్నారు.