‘సంక్రాంతికి వస్తున్నాం’ సినిమాకు తొలి రోజు ప్రపంచ వ్యాప్తంగా రూ.45కోట్ల గ్రాస్ వసూళ్లు వచ్చినట్లు మూవీ టీమ్ ప్రకటించింది. వెంకటేశ్‌కు ఇవే ఆల్ టైమ్ కెరీర్ హైయెస్ట్ ఓపెనింగ్ కలెక్షన్స్ అని తెలిపింది. అనిల్ రావిపూడి డైరెక్ట్ చేసిన ఈ సినిమాను దిల్ రాజు, శిరీష్ నిర్మించారు. ఐశ్వర్య రాజేశ్, మీనాక్షి చౌదరి హీరోయిన్లుగా నటించగా, భీమ్స్ సంగీతం అందించారు. నిన్న విడుదలైన ఈ సినిమాకు పాజిటివ్ టాక్ వచ్చింది.
వెంకటేష్ కెరీర్‍‌లోనే సంక్రాంతికి వస్తున్నాం చిత్రం ఆల్ టైమ్ కెరీర్ హయ్యెస్ట్ ఓపెనింగ్‌గా రికార్డు సృష్టించింది. నిజానికి ఈ చిత్రం క్లీన్ హిట్‌గా నిలుస్తుందని దర్శక నిర్మాతలు అంచనా వేశారు. కానీ వారి అంచనాలని మించి సినిమా డే 1 కలెక్షన్లు రాబట్టింది. పండగ హడావిడి ముగిసేలోపు సంక్రాంతికి వస్తున్నాం బాక్సాఫీస్ దగ్గర గట్టి ప్రభావమే చూపించనుంది.
ఇక ఈ సినిమాతో అనిల్ రావిపూడి-వెంకటేష్ హ్యాట్రిక్ హిట్ కొట్టేశారు. గతంలో వీరిద్దరి కాంబోలో వచ్చిన F2, F3 రెండూ సూపర్ హిట్‌గా నిలిచాయి. ఇప్పుడు సంక్రాంతికి వస్తున్నాం చిత్రం అంతకంటే పెద్ద హిట్‌గా నిలవబోతుంది. ఈ మధ్య కాలంలో సరైన హిట్ లేక వెంకీ డీలా పడ్డారు. ఇలాంటి వేళ తనకి బాగా అచ్చొచ్చిన ఫ్యామిలీ జోనర్ పడటంతో తిరిగి ట్రాక్‌లోకి వచ్చేశారు.