హైవేపై భారీ బస్సు ప్రమాదం.. ఏడుగురు మృతి, 20 మందికి పైగా గాయాలు

అంబాలా-ఢిల్లీ-జమ్మూ జాతీయ రహదారిపై జరిగిన బస్సు ప్రమాదంలో ఏడుగురు మృతి చెందగా, 20 మందికి పైగా గాయపడ్డారని సివిల్ హాస్పిటల్ అంబాలా కాంట్ మెడికల్ ఆఫీసర్ డాక్టర్ కౌశల్ కుమార్ తెలిపారు. "ఈరోజు తెల్లవారుజామున ప్రమాదం జరిగింది" అని ఆయన అన్నారు. అగ్నిమాపక వాహనం కూడా ఘటనా స్థలానికి చేరుకుని సహాయక చర్యలకు సహకరించింది. శుక్రవారం మాతా వైష్ణో దేవి పుణ్యక్షేత్రానికి యాత్రికులను తీసుకెళ్తుండగా బస్సు ప్రమాదానికి గురైంది. బస్సు ప్రమాదానికి గల కారణాలపై సంబంధిత అధికారులు ఆరా తీస్తున్నారు.

అంబాలా కాంట్‌కు సమీపంలోని మోహ్రా గ్రామ సమీపంలో ఈ ప్రమాదం జరిగింది. బస్సులో ఉత్తరప్రదేశ్‌కు చెందిన 30 మంది జమ్మూ కాశ్మీర్‌లోని వైష్ణో దేవి పుణ్యక్షేత్రానికి వెళ్తున్నట్లు పోలీసులు తెలిపారు. ప్రస్తుతం ప్రమాదానికి గల కారణాలపై అధికారులు ఆరా తీస్తున్నారు.