లైంగిక వేధింపులు, అత్యాచారం కేసులో పాస్టర్ బజీందర్. దోషిగా నిర్ధారించిన పోక్సో కోర్టు

2018లో జిరాక్‌పూర్‌కు చెందిన ఒక మహిళపై లైంగిక వేధింపుల ఆరోపణలకు సంబంధించినది. పాస్టర్ బజీందర్‌ను జూలై 2018లో లండన్‌కు విమానం ఎక్కడానికి ప్రయత్నిస్తుండగా ఢిల్లీ విమానాశ్రయంలో అరెస్టు చేశారు. అతడికి కోర్టు ఏప్రిల్ 1న శిక్షను ప్రకటించనుంది. తుది విచారణ కోసం బజీందర్ శుక్రవారం మొహాలీలోని పోక్సో కోర్టు ముందు మరో ఆరుగురు నిందితులతో కలిసి హాజరయ్యారు. సాక్ష్యాధారాలు లేకపోవడంతో మిగిలిన 5 మంది నిందితులను కోర్టు నిర్దోషులుగా విడుదల చేసింది.

జలంధర్ పాస్టర్ బజీందర్ సింగ్  అద్భుతాల ద్వారా వ్యాధులను నయం చేస్తానని చెప్పుకున్నాడు. ఈ కేసులో అతడితో పాటు అక్బర్ భట్టి, రాజేష్ చౌదరి, సుచా సింగ్, జతీందర్ కుమార్, సితార్ అలీ మరియు సందీప్ అలియాస్ పెహ్ల్వాన్ పేర్లు ఉన్నాయి. వారిపై ఐపీసీ సెక్షన్లు 376, 420, 354, 294, 323, 506, 148 మరియు 149 కింద అభియోగాలు మోపారు.

తాజ్‌పూర్ గ్రామంలోని 'ది చర్చ్ ఆఫ్ గ్లోరీ అండ్ విజ్డమ్' పాస్టర్ బజీందర్ సింగ్ జలంధర్‌లో మైనర్ బాధితురాలిపై దుశ్చర్యలకు పాల్పడ్డాడని పోలీసులు ఛార్జ్ షీట్‌లో పేర్కొన్నారు. బజీందర్ ఆమె ఫోన్ నంబర్ తీసుకొని అసభ్యకరమైన సందేశాలు పంపడం ప్రారంభించాడు. చర్చిలోని ఒక క్యాబిన్‌లో ఆమెను ఒంటరిగా కూర్చోబెట్టి అసభ్యంగా ప్రవర్తించేవాడు. ఈ కేసులో కపుర్తల పోలీసులు ప్రత్యేక దర్యాప్తు బృందాన్ని (సిట్) ఏర్పాటు చేశారు.