Ranya Rao Gold Smuggling Case: భార్య వ్యాపార రహస్యాలు.. తనకేమీ తెలియదన్న భర్త
రన్యను వివాహం చేసుకోవడానికి కేవలం 45 రోజుల ముందు మాత్రమే కలిసాను. ఆమె వ్యాపారం గురించి నాకు తెలియదు.. ఏమైనా అడిగితే గొడవ పడేది అని రన్య భర్త ప్రముఖ ఆర్కిటెక్ట్ అయిన హుక్కేరి అన్నారు.;
రన్యను వివాహం చేసుకోవడానికి కేవలం 45 రోజుల ముందు మాత్రమే కలిసాను. ఆమె వ్యాపారం గురించి నాకు తెలియదు.. ఏమైనా అడిగితే గొడవ పడేది అని రన్య భర్త ప్రముఖ ఆర్కిటెక్ట్ అయిన హుక్కేరి అన్నారు.
బెంగళూరు విమానాశ్రయంలో బంగారం స్మగ్లింగ్ చేస్తూ పట్టుబడిన కన్నడ నటి రన్యా రావు భర్త, ఆమెకు డ్రగ్ సిండికేట్‌తో సంబంధాలు ఉన్నాయనే విషయం తనకు తెలియదని చెప్పారు.
రన్య భర్త జతిన్ హుక్కేరి" రన్య తన వ్యాపార వివరాలను ఎప్పుడూ తనతో పంచుకోలేదని, తన వ్యాపారం గురించి రహస్యంగా ఉండేదని, ఏం చేస్తున్నావని అడిగితే గొడవ పడేది" అని హుక్కేరి ED అధికారులకు చెప్పినట్లు తెలుస్తోంది.
"రన్యా పెళ్లికి కేవలం 45 రోజుల ముందు కలిశానని హుక్కేరి అధికారులకు చెప్పాడు. తమకు మూడు నెలల క్రితమే వివాహం అయిందని అన్నారు.
జతిన్ హుక్కేరి ఎవరు?
బెంగళూరుకు చెందిన ప్రసిద్ధ ఆర్కిటెక్ట్ అయిన హుక్కేరి కర్ణాటక హాస్పిటాలిటీ మరియు డిజైన్ పరిశ్రమలో పేరు పొందిన వ్యక్తి. ప్రఖ్యాత లాంజ్ హ్యాంగోవర్‌తో సహా నగరంలోని అత్యంత ప్రజాదరణ పొందిన అనేక పబ్‌లు మరియు మైక్రో బ్రూవరీలను డిజైన్ చేసిన ఘనత ఆయనకు ఉంది. అతని పోర్ట్‌ఫోలియోలో ఢిల్లీ మరియు ముంబైలలో హై-ప్రొఫైల్ హాస్పిటాలిటీ ప్రాజెక్టులు కూడా ఉన్నాయి.
హుక్కేరి ఆర్.వి. కాలేజ్ ఆఫ్ ఇంజనీరింగ్, ఇంగ్లండ్ లోని రాయల్ కాలేజ్ ఆఫ్ ఆర్ట్‌లో డిస్రప్టివ్ మార్కెట్ ఇన్నోవేషన్‌లో ఎగ్జిక్యూటివ్ ఎడ్యుకేషన్ ప్రోగ్రామ్‌ను అభ్యసించారు. ఆయన ఆర్కిటెక్చర్ మరియు ఇంటీరియర్ డిజైన్‌లో మంచి పేరు సంపాదించారు.