భార్య వివాహేతర సంబంధం.. నలుగురు పిల్లలతో కలిసి రైలుకు ఎదురెళ్లి..

మంగళవారం ఢిల్లీలోని ఫరీదాబాద్ ప్రాంతంలో ఒక వ్యక్తి తన నలుగురు పిల్లలతో కలిసి నడుస్తున్న రైలు ముందు దూకి ఆత్మహత్య చేసుకున్నాడు. దాంతో ఐదుగురూ అక్కడికక్కడే మృతి చెందారు. సంఘటనా స్థలం నుండి పోలీసులు ఆధార్ కార్డును స్వాధీనం చేసుకున్నారు. మృతుడిని బీహార్ నివాసి మనోజ్ మహతోగా గుర్తించారు.

అతని భార్య ఫోన్ నంబర్‌ను కూడా పోలీసులు తెలుసుకున్నారు. ఆ తర్వాత అతని కుటుంబ సభ్యులకు ఈ సంఘటన గురించి సమాచారం అందించడంతో వారు సంఘటనా స్థలానికి చేరుకుని మృతదేహాలను గుర్తించారు. మృతదేహాలను పోస్ట్‌మార్టం కోసం బాద్షా ఖాన్ సివిల్ ఆసుపత్రికి తరలించారు.

"గోల్డెన్ టెంపుల్ ఎక్స్‌ప్రెస్ డ్రైవర్ ఈ సంఘటన గురించి స్టేషన్ మాస్టర్‌కు సమాచారం అందించాడు. వారు పోలీసులకు సమాచారం అందించడంతో సంఘటనా స్థలానికి చేరుకున్న పోలీసులు అతడి పేరు మరియు అతని భార్యకు చెందిన ఫోన్ నంబర్ ఉన్న ఆధార్ కార్డును కనుగొన్నారు. ఆమెకు ఈ సంఘటన గురించి సమాచారం అందించడంతో ఆమె వచ్చి మృతదేహాలను గుర్తించింది" అని పోలీసులు తెలిపారు. 

పోలీసుల కథనం ప్రకారం, మృతుడి భార్య నేహా తన భర్త పిల్లలను పార్కుకు తీసుకెళుతున్నానని చెప్పి బయటకు వెళ్లాడని పోలీసులకు తెలిపింది. తన భర్త తన బంధువులలో ఒకరితో ఫోన్‌లో మాట్లాడుతుండటం వల్ల తనకు వివాహేతర సంబంధం ఉందని అనుమానించాడని తెలిపింది.