జర్మన్ ఫిట్‌నెస్ కోచ్ వెయిట్ లాస్ సీక్రెట్స్.. మూడు నెలల్లో 22 కిలోల బరువు..

బరువు తగ్గడం అనేది తరచుగా భారంగా అనిపిస్తుంది. ఎందుకంటే సలహాలకు కొరత ఉండదు.  ప్రతి కొన్ని వారాలకు, కొత్త డైట్ ట్రెండ్ కనిపిస్తుంది. వ్యాయామ నియమాలు మారుతాయి. విరుద్ధమైన అభిప్రాయాలు సోషల్ మీడియాలో కనిపిస్తుంటాయి. చాలా మందికి ఏది చేయాలో అర్థం కాదు. దేన్ని అనుసరించాలో తెలియదు. కానీ  ఎవరు ఎన్ని చెప్పినా మన శరీరం గురించి మనకు మాత్రమే తెలుసు. శరీరానికి సరిపడినవి అది ఆహారమైనా కావచ్చు, వ్యాయామం అయినా కావచ్చు. దాన్నే అనుసరించాలి. కొవ్వు తగ్గడం అనేది ఊహించిన దానికంటే చాలా సులభం. ఇది రోజువారీ అలవాట్లపై ఆధారపడి ఉంటుంది.

జర్మనీకి చెందిన ఫిట్‌నెస్ కోచ్ కెవ్ ఇటీవల X లో ఒక సరళమైన దినచర్యను పంచుకున్నారు. ఇది సోషల్ మీడియాలో వైరల్ గా మారింది. అతను అనుసరించే ప్రక్రియ ద్వారా మూడు నెలల్లో 22 కిలోల వరకు బరువు తగ్గడానికి సహాయపడుతుందని పేర్కొన్నాడు. అతని విధానం ఎంత ఆచరణాత్మకమైనది మరియు క్రమశిక్షణతో కూడుకున్నది. అందువలన ఇది ప్రత్యేకంగా నిలిచింది. తన పోస్ట్‌లో, కెవ్ ఒక కాలక్రమణికను రూపొందించాడు: జనవరి నుండి మే వరకు స్థిరమైన బరువు తగ్గడం, పూర్తిగా రోజువారీ అలవాట్ల ద్వారా నడపబడుతుంది. "ఇది సంక్లిష్టమైనది కాదు" అని అతను రాశాడు. "రొటీన్‌ను అనుసరించండి."

మొదట, కెవ్ ఆల్కహాల్‌ను పూర్తిగా తొలగించడం గురించి వివరించారు. అతని ప్రకారం, ఆల్కహాల్ కొవ్వును కరిగించడాన్ని ఆపివేస్తుంది. పోషక విలువలను అందించని కేలరీలను జోడిస్తుంది. దానిని తగ్గించడం వల్ల కొవ్వు తగ్గడం చాలా సులభం అవుతుంది.

తర్వాత రోజు ప్రారంభంలోనే వ్యాయామం చేయాలి. ఉదయం వ్యాయామం చేయడం వలన మంచి నిర్ణయాలు తీసుకునేందుకు దోహదపడుతుందని కెవ్ తెలిపారు. అతని సలహా ప్రకారం రోజువారీ బాధ్యతలు చేపట్టే ముందు మీ వ్యాయామం పూర్తి చేయండి.

కార్డియో మాత్రమే శరీర తీరును మార్చదని నొక్కి చెబుతూ, వారానికి మూడు నుండి నాలుగు సార్లు బరువులు ఎత్తాలని ఆయన సిఫార్సు చేస్తున్నారు. కండరాల నిర్మాణం కేలరీల బర్న్‌ను పెంచడానికి సహాయపడుతుంది. కొవ్వును తగ్గిస్తూ లీన్ మాస్‌ను సంరక్షిస్తుంది.

ఆకలిని అదుపులో ఉంచడానికి మరియు కండరాలను రక్షించడానికి కెవ్ అధిక ప్రోటీన్ కలిగిన ఆహారాన్ని తీసుకోమని సలహా ఇస్తున్నారు. 

ఆహారం, వ్యాయామం ఎంత ముఖ్యమో నిద్ర కూడా అంతే ముఖ్యమని ఆయన అంటున్నారు. సరైన విశ్రాంతి మానసిక స్థితిని, స్వీయ నియంత్రణను మెరుగుపరుస్తుంది, ఇవన్నీ ఆరోగ్యకరమైన అలవాట్లను పాటించడాన్ని సులభతరం చేస్తాయి.

మీరు ఎక్కడ తిన్నా కంట్రోల్డ్ గా ఉండడానికి సిద్ధంగా ఉండాలని తెలిపారు. ఫాస్ట్ ఫుడ్ ప్రదేశాలలో కూడా తెలివైన ఎంపికలను ఎలా ఎంచుకోవాలో మీకు తెలిస్తే రెస్టారెంట్లు,  విహారయాత్రలను కూడా ఆస్వాదించవచ్చని చెబుతారు.

చివరగా వాకింగ్ గురించి చెబుతూ తక్కువ ప్రయత్నంతో ప్రారంభించి రోజువారీ కదలికను పెంచాలని ఆయన సూచిస్తున్నారు. పని చేస్తూ ఒకటి నుండి రెండు గంటలు నడవడం వల్ల అదనపు సమయం అవసరం లేకుండా 10,000 అడుగులకు చేరుకోవచ్చు. ఆయన సందేశం సూటిగా ఉంటుంది కానీ స్పష్టంగా ఉంటుంది. ఈ దశలు ఏవీ తీవ్రమైనవి కావు. సవాలు కష్టం కాదు. ప్రతి రోజు మీ కోసం మీరు సమయం కేటాయించడం చాలా ముఖ్యం అని వివరిస్తున్నారు.