Urinary Tract Infections: యూరినరీ ఇన్ఫెక్షన్స్ తో ఇబ్బంది పడుతుంటే ఇలా చేసి చూడండి..

Urinary tract infections: మూత్ర మార్గములో అంటువ్యాధులు (UTIలు) మహిళలను ఎక్కువగా ఇబ్బంది పెడుతుంటాయి. ఎందుకంటే మూత్రాశయం నుండి మూత్రాన్ని బయటకు తీసుకెళ్ళే మూత్ర నాళం పురుషుల కంటే స్త్రీలలో తక్కువగా ఉంటుంది. దీంతో బాక్టీరియా మూత్రాశయంలోకి ప్రవేశించడం సులభం అవుతుంది.

UTI లక్షణాలు

మూత్ర విసర్జన చేసేటప్పుడు మంట

తరచుగా మూత్ర విసర్జన

ముదురు రంగులో మూత్రం

వాసనతో మూత్రం

అసంపూర్తిగా మూత్రాశయం ఖాళీ అవుతున్న భావన

పొత్తి కడుపు నొప్పి

యూరినరీ ట్రాక్ కు సంబంధించిన అంటువ్యాధుల నుండి రక్షించడానికి యాంటీ బ్యాక్టీరియా మందులు ఉన్నా ప్రమాదాన్ని తగ్గించడానికి అనేక సహజ మార్గాలు కూడా ఉన్నాయి.

1. పుష్కలంగా ద్రవాలు త్రాగాలి

క్రమం తప్పకుండా మూత్రవిసర్జన చేయడం వల్ల ఇన్ఫెక్షన్ రాకుండా నిరోధించడానికి మూత్ర నాళంలోని బ్యాక్టీరియాను ఫ్లష్ చేయడంలో సహాయపడుతుంది. నీరు ఎక్కువగా తీసుకోనట్లైతే తరచుగా మూత్రవిసర్జన చేయరు. దీంతో బ్యాక్టీరియా మరింత వృద్ధి చెందే అవకాశం ఉంటుంది. నీరు ఎక్కువగా తాగడం వలన యాంటీబయాటిక్స్ అవసరమయ్యే పరిస్థితిని 56 శాతం తగ్గిస్తుంది.

2. విటమిన్ సి తీసుకోవడం పెంచండి

విటమిన్ సి తీసుకోవడం వలన యూరినరీ ట్రాక్ట్ ఇన్ఫెక్షన్ల నుండి రక్షించవచ్చు. విటమిన్ సి మూత్రం యొక్క ఆమ్లతను పెంచడం ద్వారా పని చేస్తుందని భావించబడుతుంది, తద్వారా ఇన్ఫెక్షన్‌కు కారణమయ్యే బ్యాక్టీరియాను నాశనం చేస్తుంది. పండ్లు, కూరగాయల్లో విటమిన్ సి ఎక్కువగా ఉంటుంది.

ఎర్ర మిరియాలు, నారింజ, ద్రాక్షపండు, కివీపండ్లు , జామకాయలు వీటన్నింటిలో విటమిన్ సి ఎక్కువగా ఉంటుంది. విటమిన్ సి రోగనిరోధక వ్యవస్థను కూడా పెంచుతుంది.

4. ప్రోబయోటిక్స్ తీసుకోండి

ప్రోబయోటిక్స్ అనేది ఆహారం లేదా సప్లిమెంట్ల ద్వారా వినియోగించబడే ప్రయోజనకరమైన సూక్ష్మజీవులు. ఇవి మంచి బ్యాక్టీరియాను ప్రోత్సహిస్తాయి. ప్రోబయోటిక్స్ సప్లిమెంట్ రూపంలో లభిస్తాయి లేదా పెరుగు వంటి పులియబెట్టిన ఆహారాలలో చూడవచ్చు.

5. ఆరోగ్యకరమైన అలవాట్లను పాటించండి

మూత్ర మార్గములో అంటువ్యాధులను నివారించడం అనేది కొన్ని పరిశుభ్రమైన అలవాట్లను పెంపొందించుకోవడం ద్వారా సాధ్యమవుతుంది. ముందుగా, మూత్రాన్ని ఎక్కువసేపు హోల్డ్ చేయకుండా ఉండటం ముఖ్యం. అంటే మూత్రం వస్తున్న భావన కలిగిన వెంటనే వాష్ రూమ్ కి వెళ్లాలి. ఎక్కువ సేపు నిల్వ ఉంచకూడదు. అలా చేస్తే బ్యాక్టీరియా పేరుకుపోవడానికి కారణమవుతుంది.

లైంగిక సంపర్కం తర్వాత శుభ్రం చేసుకుంటే సమస్యలు తలెత్తవు. సమస్య తీవ్రతను బట్టి డాక్టర్ ని సంప్రదించడం అత్యవసరం.. ఈ సమాచారం నెట్ లో లభించన మేరకు వివరించడం జరిగింది.. ఇవి మీకు అవగాహన కలిగించడానికి మాత్రమే ఉపయోగపడతాయి. ఆరోగ్య సమస్యలకు, అత్యవసర చికిత్సలకు వైద్యులు సూచించిన సలహాలు పాటించాలి.