Bank Holidays: ఏప్రిల్ నెలలో బ్యాంక్ సెలవులు..

Bank Holidays: బ్యాంకింగ్ సెలవులు ఆయా రాష్ట్రాల్లో జరుపుకునే పండుగలపై ఆధారపడి ఉంటాయి. ఇవి ఒక రాష్ట్రం నుండి మరొక రాష్ట్రానికి భిన్నంగా ఉండవచ్చు

ప్రతి సంవత్సరం, రిజర్వ్ బ్యాంక్ ఆఫ్ ఇండియా (RBI) సెలవు క్యాలెండర్ ప్రకారం దేశవ్యాప్తంగా అన్ని బ్యాంకులు కొన్ని సందర్భాలలో మూసివేయబడతాయి. నెగోషియబుల్ ఇన్‌స్ట్రుమెంట్స్ యాక్ట్ కింద సెలవు, రియల్ టైమ్ గ్రాస్ సెటిల్‌మెంట్ హాలిడే, బ్యాంకుల ఖాతాల ముగింపు అనే మూడు అంశాలను పరిగణనలోకి తీసుకుని సెలవులు ప్రకటిస్తుంది.

ఏప్రిల్ 1 (శుక్రవారం) : ముందస్తుగా ఖాతాలు మూసివేయడం వల్ల బ్యాంకులు మూసివేయబడతాయి. ఐజ్వాల్, చండీగఢ్, షిల్లాంగ్, సిమ్లా మినహా దేశంలోని దాదాపు అన్ని ప్రాంతాల్లో బ్యాంకులు మూసివేయబడతాయి.

ఏప్రిల్ 2 (శనివారం) : కర్ణాటక, మహారాష్ట్ర, తమిళనాడు, తెలంగాణ, మణిపూర్, జమ్మూ, గోవా, జమ్మూ-కశ్మీర్‌లలో బ్యాంకులు మూసివేయబడతాయి.

ఏప్రిల్ 4 (సోమవారం) : సర్హుల్ సందర్భంగా జార్ఖండ్‌లో బ్యాంకులు మూసివేయబడతాయి.

ఏప్రిల్ 5(మంగళవారం): బాబు జగ్జీవన్ రామ్ జయంతి సందర్భంగా తెలంగాణలో బ్యాంకులు బంద్ కానున్నాయి.

ఏప్రిల్ 14 (గురువారం) : డాక్టర్ బాబాసాహెబ్ అంబేద్కర్ జయంతి/మహావీర్ జయంతి/బైసాఖీ/వైశాఖి/తమిళ నూతన సంవత్సర దినోత్సవం/చీరాబా/బిజూ ఫెస్టివల్/బోహాగ్ బిహు సందర్భంగా మేఘాలయ, హిమాచల్ ప్రదేశ్ మినహా అన్ని రాష్ట్రాల్లో బ్యాంకులు మూసివేయబడతాయి.

అస్సాంలోని బ్యాంకులు ఏప్రిల్ 14-21 నుండి వరుసగా నాలుగు రోజుల పాటు మూసివేయబడతాయి. ఈ రోజులతో పాటు రెండో, నాలుగో శనివారాలు, ఆదివారాలు కూడా బ్యాంకులు మూతపడనున్నాయి.