బంగాళాఖాతంలో అల్పపీడనం.. తెలంగాణలో భారీ వర్షాలు!

తెలంగాణలో బుధవారం భారీ వర్షాలు కురిసే అవకాశం ఉందని వాతావరణ కేంద్రం ప్రకటించింది. ఉత్తర బంగాళాఖాతంలో అల్పపీడనం ఏర్పడింది. మంగళవారం ఉదయం తీవ్ర అల్పపీడనంగా మారిందని హైదరాబాద్ వాతవరణ కేంద్రం తెలిపింది. ఈ అల్పపీడనం కారణంగా తెలంగాణ రాష్ట్రవ్యాప్తంగా రెండు రోజుల పాటు తేలికపాటి నుంచి ఓ మోస్తరు వర్షాలు కురిసే అవకాశం ఉందని వాతావరణ కేంద్రం తెలిపింది. రాష్ట్రంలోని పలు పాంత్రాల్లో బుధవారం భారీ వర్షాలు కురిసే అవకాశం ఉందని వాతావరణ కేంద్రం ప్రకటించింది.