అమెజాన్ ఇండియా హెడ్ గా సమీర్‌కుమార్‌ ( Samir Khan ) నియమితులయ్యారు. ఈ విషయాన్ని ఇ–కామర్స్‌ ప్లాట్‌ఫామ్‌ బుధవారం ప్రకటించింది. అక్టోబర్‌ 1 నుంచి బాధ్యతలు స్వీకరించనున్నట్లు పేర్కొంది. మనీశ్‌ తివారీ రాజీనామా అనంతరం ఆ స్థానంలో సమీర్‌కుమార్‌ బాధ్యతలు చేపట్టనున్నారని వెల్లడించింది. సమీర్‌కుమార్‌ 1999లో అమెజాన్‌లో చేరారు. 2013లో అమెజాన్ డాట్ ఇన్ తీసుకొచ్చిన టీమ్ లో ఈయన కూడా ఒకరు. అమెజాన్ వ్యాపార విభాగంలో భారత్ ముఖ్య పాత్ర పోషిస్తుంది. భారత్‌లోని అవకాశాలను అందిపుచ్చుకోవాలని ఆసక్తిగా ఉన్నాం. అమెజాన్ డాట్ ఇన్ తీసుకురావడంలో సమీర్‌కుమార్‌ కీలకపాత్ర పోషించారు’ అని అమెజాన్ ఇండియా ప్రెసిడెంట్‌ అమిత్‌ అగర్వాల్‌ అన్నారు.