PM Modi: ప్రపంచవ్యాప్తంగా అత్యంత ప్రజాదరణ కలిగిన నేతగా మోదీ

ప్రపంచవ్యాప్తంగా అత్యంత ప్రజాదరణ కలిగిన నేతగా మరోసారి ప్రధాని నరేంద్రమోదీ నిలిచారు. అమెరికాకు చెందిన మార్నింగ్ కన్సల్ట్ అనే సంస్థ సర్వే నిర్వహించింది. గ్లోబల్ డెసిషన్ ఇంటెలిజెన్స్ సంస్థ ర్యాంకులను విడుదల చేసింది. జులై 8 నుంచి 14వ తేదీ వరకు సేకరించిన డేటా ఆధారంగా ఈ ర్యాంకులను ఇచ్చారు. ఈ సర్వే ప్రకారం 69 శాతం ఓట్లతో భారత ప్రధాని నరేంద్రమోదీ మొదటి స్థానంలో నిలిచారు. 63 శాతం ఓట్లతో మెక్సికన్ ప్రెసిడెంట్ ఆండ్రెస్ మాన్యుయెల్ లోపేజ్ ఒబ్రేడర్ రెండో స్థానంలో ఉన్నారు.

25 మంది నాయకులతో కూడిన ఈ జాబితాలో జపాన్ ప్రధాని పుమియో కిషిడా చివరి స్థానంలో ఉన్నారు. ఆయనకు 16 శాతం ఓట్లు వచ్చాయి. పలు గత గ్లోబల్ రేటింగ్స్‌లోనూ ప్రధాని మోదీ అగ్రస్థానంలో నిలవడం గమనార్హం. మరోవైపు, అమెరికా అధ్యక్షుడు జో బిడెన్ 39 శాతం ఓట్లతో, కెనడా ప్రధాని జస్టిన్ ట్రూడో 29 శాతంతో, బ్రిటన్ ప్రధాని కైర్ స్టార్మర్ 45 శాతంతో, ఫ్రాన్స్ అధ్యక్షుడు ఇమ్మాన్యుయెల్ మాక్రాన్ 20 శాతం ఓట్లు మాత్రమే సాధించారు.

టాప్‌ దేశాధినేతలు..

భారత ప్రధాని- నరేంద్ర మోదీ (69 శాతం)

మెక్సికో అధ్యక్షుడు- లోపెజ్‌ ఒబ్రేడర్‌ (63)

అర్జెంటీనా అధ్యక్షుడు- జేవియర్‌ మిలి (60)

స్విట్జర్‌లాండ్‌ అధ్యక్షుడు- వియోల్‌ అమ్హెర్డ్‌ (52)

ఐర్లాండ్‌ ప్రధాని- సైమన్‌ హారిస్‌ (47)

యూకే ప్రధాని- కీర్‌ స్టార్మర్ (45)

పోలాండ్‌ ప్రధాని- డొనాల్ట్‌ టస్క్‌ (45)

ఆస్ట్రేలియా ప్రధాని- ఆంథోని అల్బనీస్‌ (42)

స్పెయిన్‌ ప్రధాని- పెడ్రో శాంచెజ్‌ (40)

ఇటలీ ప్రధాని - జార్జియా మెలోని (40)

అమెరికా అధ్యక్షుడు- జోబైడెన్‌ (39)

కెనడా ప్రధాని- జస్టిన్‌ ట్రూడో (29)